BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جوزە بارروزۋ: قازاقستاننىڭ وڭىردە ماڭىزدى ٴرول اتقارىپ وتىرعانىن كورگەنىمە قۋانىشتىمىن

فوتو: Ақорда

استانا، baq.kz. مەملەكەت باسشىسى ەۋروپالىق كوميسسيانىڭ بۇرىنعى ٴتوراعاسى جوزە مانۋەل بارروزۋمەن كەزدەستى. بۇل تۋرالى اقوردانىڭ ٴباسپاسوز قىزمەتى حابارلادى.

كەزدەسۋ بارىسىندا نۇرسۇلتان نازاربايەۆ جوزە مانۋەل بارروزۋعا استانا كلۋبىنىڭ وتىرىسىنا كەلگەنى ٴۇشىن ريزاشىلىق ٴبىلدىردى.

مەملەكەت باسشىسى ەۋروپالىق كوميسسيانىڭ بۇرىنعى ٴتوراعاسىنىڭ قازاقستان مەن ەۋروپا وداعى اراسىنداعى قارىم-قاتىناستاردى نىعايتۋ ىسىنە قوسقان ۇلەسىن اتاپ ٴوتتى.

– مەن سىزبەن تاعى دا جۇزدەسىپ وتىرعانىما قۋانىشتىمىن. ٴسىز ٴاردايىم قازاقستانعا قولداۋ كورسەتتىڭىز. سونىڭ ارقاسىندا ەلىمىزدىڭ ەۋروپا وداعىمەن سەرىكتەستىگى جونىندەگى كەلىسىمگە قول قويىلدى. قازىرگى تاڭدا بۇل قۇجات راتيفيكاسيالانۋ ۇدەرىسىنەن ٴوتىپ جاتىر، – دەدى قازاقستان پرەزيدەنتى.

جوزە مانۋەل بارروزۋ كەزدەسكەنى جانە استانا كلۋبىنىڭ جۇمىسىنا قاتىسۋعا شاقىرعانى ٴۇشىن نۇرسۇلتان نازاربايەۆقا العىس ايتتى.

– سىزبەن قايتا كەزدەسۋ – مەن ٴۇشىن زور مارتەبە. بريۋسسەلگە تاريحي ساپارمەن كەلگەنىڭىز ەسىمدە. سول كەزدە قازاقستان مەن ەۋروپا وداعى اراسىندا ىنتىماقتاستىق ورناتۋ جونىندە تاريحي شەشىم قابىلدانعان بولاتىن. بۇگىندە قازاقستاننىڭ تۇراقتىلىقتى ساقتاپ، وڭىردە ماڭىزدى ٴرول اتقارىپ وتىرعانىن كورگەنىمە قۋانىشتىمىن، – دەدى ەۋروپالىق كوميسسيانىڭ بۇرىنعى ٴتوراعاسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي