BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا ەلشىلەر نازاربايەۆقا سەنىم گراموتالارىن تاپسىردى

فوتو: Бауыржан Жуасбаев

استانا، baq.kz ٴتىلشىسى. بۇگىن مەملەكەت باسشىسى نۇرسۇلتان نازاربايەۆ قازاقستان رەسپۋبليكاسىندا جاڭادان تاعايىندالعان ەلشىلەردەن سەنىم گراموتالارىن قابىلدادى.

اقوردادا 5 مەملەكەتتىڭ ەلشىلەرى قازاقستان پرەزيدەنتى نۇرسۇلتان نازاربايەۆقا سەنىم گراموتالارىن تاپسىردى. اتاپ ايتساق، اۋعانستان يسلام رەسپۋبليكاسىنىڭ توتەنشە جانە وكىلەتتى ەلشىسى موحامماد فارحاد ازيمي، قىرعىزستان رەسپۋبليكاسىنىڭ ەلشىسى جەەنبەك كۋلۋبايەۆ، ليتۆا رەسپۋبليكاسىنىڭ ەلشىسى گينتاۋتاس ۆاسيۋليس، يران يسلام رەسپۋبليكاسىنىڭ ەلشىسى مادجيد سامادزادە سابەر، ارمەنيا رەسپۋبليكاسىنىڭ ەلشىسى گاگيك كيموۆيچ گالاچيان تابىستادى. اتاپ وتسەك، ليتۆا ەلشىسى گينتاۋتاس ۆاسيۋليس سەنىم گراموتاسىن تاپسىرۋ بارىسىندا قازاقشا سويلەدى.

ەلباسى جاڭا ەلشىلەردى قازاقستانداعى ديپلوماتيالىق قىزمەتتەرىنىڭ باستالۋىمەن قۇتتىقتاپ، جۇمىستارىنا ساتتىلىك تىلەدى.

«قۇرمەتتى ەلشى مىرزالار، بۇگىنگى تاڭدا الەمنىڭ تۇكپىر-تۇكپىرىندە جانجال وشاقتارى كوبەيىپ، سانكسيالىق تەكەتىرەس پەن ساۋدا سوعىسى ٴورشىپ جاتقانىن كورىپ وتىرمىز. ٴوزارا سەنىم بولماسا، داعدارىسقا قارسى كەز كەلگەن ٴىس-قيمىلدىڭ وڭ ناتيجەسى بولمايتىنى بەلگىلى»، - دەدى نازاربايەۆ.

مەملەكەت باسشىسى ەلىمىزدە وتكەن حالىقارالىق شارالاردىڭ ماڭىزىنا توقتالدى. بۇعان قوسا، ەلباسى قازاقستان مەملەكەتتەر اراسىنداعى ساۋدا-ەكونوميكالىق ىنتىماقتاستىقتى، دوستىق قاتىناستاردى ودان ٴارى دامىتۋعا نيەتتى ەكەنىن ايتتى.

«قىرعىز رەسپۋبليكاسى ورتالىق ازياداعى ماڭىزدى ارىپتەسىمىز عانا ەمەس، تاريحي تامىرىمىز تەرەڭگە جايىلعان تاتۋ كورشى، باۋىرلاس مەملەكەت بولىپ سانالادى. سوندىقتان، ٴبىز قىرعىزستانمەن دوستىققا جانە ٴوزارا تۇسىنىستىككە نەگىزدەلگەن ستراتەگيالىق ارىپتەستىكتى دامىتۋعا ايرىقشا كوڭىل بولەمىز. ۇكىمەتتەرىمىز وسى باعىتتا ٴتيىمدى جۇمىس جۇرگىزىپ، ەكى جاقتى قارىم-قاتىناستاردى جاڭا بەلەستەرگە كوتەرەدى دەپ سەنەمىن»، - دەدى نۇرسۇلتان نازاربايەۆ.

پرەزيدەنت قازاقستان مەن ارمەنيا اراسىنداعى ىنتىماقتاستىق ودان ٴارى دامىپ كەلە جاتقانىن ايتتى. سوڭعى جىلدارى ٴوزارا تاۋار اينالىمىنىڭ كولەمى ارتقان.

«ٴبىز يران يسلام رەسپۋبليكاسىن ايماقتاعى ماڭىزدى سەرىكتەسىمىز رەتىندە قاراستىرامىز. تەگەرانمەن ٴتيىمدى ىنتىماقتاستىق اياسىن كەڭەيتۋگە، اسىرەسە كولىك، ترانزيت، اۋىل شارۋاشىلىعى، تاۋ-كەن مەتاللۋرگيا سالاسىندا جانداندىرۋعا مۇددەلىمىز»، - دەدى مەملەكەت باسشىسى.

ەلباسى قازاقستان مەن اۋعانستان اراسىنداعى بايلانىس دوستىق نەگىزىندە، تۇسىنىستىك رۋحىندا ىلگەرىلەپ كەلەتىنىن اتاپ ٴوتتى. پرەزيدەنتتىڭ ايتۋىنشا، ەلىمىز اۋعانستانداعى جاعدايدى تۇراقتاندىرۋعا، ونى الەۋمەتتىك-ەكونوميكالىق تۇرعىدان دامىتۋعا ٴوز ۇلەسىن قوسۋدا.

«بۇۇ قاۋىپسىزدىك كەڭەسىنىڭ مۇشەسى رەتىندە اۋعانستان ماسەلەلەرىن شەشۋگە اتسالىسىپ كەلەمىز. كابۋلعا جىل سايىن قارجىلاي-تەحنيكالىق، گۋمانيتارلىق كومەك كورسەتىپ كەلەمىز. اۋعان جاستارىنا ارنالعان ٴبىلىم بەرۋ باعدارلاماسى جۇزەگە اسۋدا. ٴبىز سونداي-اق، كابۋلعا ازىق-تۇلىك تاۋارلارىن جەتكىزەتىن نەگىزگى ەلدەردىڭ ٴبىرى بولۋعا ٴازىرمىز»، - دەدى نازاربايەۆ.

ەلباسى ٴوز سوزىندە قازاقستان مەن ليتۆانىڭ اراسىنداعى قارىم-قاتىناس دەڭگەيىنە جوعارى باعا بەردى. پرەزيدەنت استانا-ۆيلنيۋس تىكەلەي اۋە قاتىنىسىنىڭ اشىلۋى ەكى جاقتى بايلانىستى نىعايتۋعا مۇمكىندىك بەرەتىنىن ايتتى.

«قۇرمەتتى، ەلشى مىرزالار، قازاقستانداعى مارتەبەلى ٴارى جاۋاپتى قىزمەتتەرىڭىزدىڭ باستالۋىمەن تاعى دا قۇتتىقتايمىن. سىزدەردىڭ جاڭا ميسسيالارىڭىز ەلدەرىمىز اراسىنداعى ىنتىماقتاستىقتى دامىتۋعا زور ۇلەس قوسادى دەپ سەنەمىز. قازاقستانداعى ٴار كۇندەرىڭىز ٴساتتى بولسىن»، - دەپ تۇيىندەدى نۇرسۇلتان نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي