BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۋاقىت ٴوتتى، ەشتەڭە باستالعان جوق – ەلباسى تۇركىستان قالاسىن دامىتۋ تۋرالى

فوتو: Ақорда

استانا، baq.kz. مەملەكەت باسشىسىنىڭ توراعالىعىمەن تۇركىستان قالاسىن دامىتۋ بويىنشا كەڭەس ٴوتتى. بۇل تۋرالى اقوردانىڭ رەسمي سايتى حابارلادى.

نۇرسۇلتان نازاربايەۆ كەڭەستى تۇركىستان قالاسىنىڭ قۇرىلىسىن باستاۋعا بايلانىستى شۇعىل شارالار قولدانۋ قاجەتتىگىن ايتۋدان باستادى.

"تۇركىستان – ٴبىزدىڭ حالقىمىز ٴۇشىن قاسيەتتى قالا. قالانىڭ بولاشاقتاعى دامۋىنا قاتىستى قاجەتتى تالقىلاۋلار جۇرگىزىپ، ٴتيىستى تاپسىرمالار بەردىك جانە قاجەتتى قاراجاتتى بولدىك. ۋاقىت ٴوتتى، ٴبىراق ەشتەڭە ٴالى باستالعان جوق. وبلىس ورتالىعىنىڭ قۇرىلىسىنا بايلانىستى كوزدەلگەن جوسپاردى ورىنداۋعا كوشۋ كەرەك"، - دەدى قازاقستان پرەزيدەنتى.

مەملەكەت باسشىسى باسىم باعىتتار رەتىندە قالاداعى اكىمشىلىك-ىسكەرلىك ورتالىقتىڭ، تۇرعىن الابى مەن الەۋمەتتىك ماڭىزى بار نىسانداردىڭ قۇرىلىسىن اتاپ ٴوتتى.

كەڭەس بارىسىندا پرەمەر-مينيستردىڭ ٴبىرىنشى ورىنباسارى ا. ٴماميننىڭ، تۇركىستان وبلىسىنىڭ اكىمى ج. تۇيمەبايەۆتىڭ، مادەنيەت جانە سپورت ٴمينيسترى ا. مۇحامەدي ۇلىنىڭ جانە حالىقارالىق ساۋلەت كونكۋرسى كوميسسياسىنىڭ ٴتوراعاسى ا.زيكيريننىڭ تۇركىستاننىڭ باس جوسپارى كونسەپسياسىن ىسكە اسىرۋ، سونىمەن قاتار قالادا جاڭا نىسانداردى تۇرعىزۋ جوسپارى تۋرالى باياندامالارى تىڭدالدى.

جيىن سوڭىندا مەملەكەت باسشىسى ناقتى تاپسىرمالار بەردى، ونىڭ ىشىندە جاڭارتىلعان ەنەرگيا كوزدەرىن پايدالانۋعا ٴمان بەرە وتىرىپ، وبلىس ورتالىعىندا ەنەرگيامەن قامتاماسىز ەتۋ جانە سۋمەن جابدىقتاۋدى جاقسارتۋ سالاسىن دا اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي