BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توكيودا ەلباسىعا كۇننەن قۋات الاتىن اۆتوكولىكتى كورسەتتى

فوتو: akorda.kz

مەملەكەت باسشىسى نۇرسۇلتان نازاربايەۆ «توكاي» ۋنيۆەرسيتەتىندە بولدى، دەپ حابارلايدى اقوردانىڭ ٴباسپاسوز قىزمەتى. قازاقستان پرەزيدەنتى ۋنيۆەرسيتەتتى ارالاۋ بارىسىندا كۇننەن قۋات الاتىن «توكاي چەللەندجەر» اۆتوكولىگىن كورىپ، «بولاشاق» باعدارلاماسى بويىنشا وسىندا وقىپ جاتقان قازاقستاندىق ستۋدەنتتەرمەن اڭگىمەلەستى.

ەلباسى وقۋ ورنىنىڭ ۇجىمى الدىندا سويلەگەن سوزىندە «توكاي» ۋنيۆەرسيتەتى مەن نازاربايەۆ ۋنيۆەرسيتەتى اراسىندا قالىپتاسقان سەرىكتەستىك قارىم-قاتىناسقا نازار اۋداردى.

«بۇگىندە استانا ەۋرازيانىڭ ٴىرى عىلىمي جانە ٴبىلىم بەرۋ ورتالىعىنىڭ بىرىنە اينالدى. ٴبىز ٴقازىر جاستاردى ٴبىلىم الۋ ٴۇشىن ٴوزىمىزدىڭ ۋنيۆەرسيتەتىمىزگە تارتۋدامىز. وندا جاپون جاستارى دا وقيتىن بولادى دەپ ۇمىتتەنەمىز»، – دەدى نۇرسۇلتان نازاربايەۆ.

مەملەكەت باسشىسى رەسپۋبليكامىزدا عىلىمدى قامتيتىن ەكونوميكا قالىپتاستىرۋ ٴۇشىن ەكى زياتكەرلىك-يننوۆاسيالىق كلاستەر – نازاربايەۆ ۋنيۆەرسيتەتىنىڭ «استانا بيزنەس كامپۋسى» حايتەك-پاركى جانە الماتى قالاسىندا «الاتاۋ» تەحنوپاركى اشىلعانىن ايتتى.

«توكاي» ۋنيۆەرسيتەتىن وسى عىلىمي-يننوۆاسيالىق ورتالىقتارمەن بەلسەنە ىنتىماقتاسۋعا شاقىرامىن»، – دەدى قازاقستان پرەزيدەنتى.

سوڭىندا نۇرسۇلتان نازاربايەۆ جينالعانداردى «توكاي» ۋنيۆەرسيتەتىنىڭ الداعى 2017 جىلى اتاپ وتىلەتىن 75 جىلدىعىمەن قۇتتىقتاپ، قازاقستان مەن جاپونيا قارىم-قاتىناسى بارلىق باعىتتا ودان ٴارى نىعايا تۇسەتىنىنە سەنىم ٴبىلدىردى.

ەلباسىعا جاپونيانىڭ جەتەكشى ٴبىلىم بەرەتىن جانە عىلىمي-زەرتتەۋ ورتالىعى بولىپ سانالاتىن «توكاي» ۋنيۆەرسيتەتىنىڭ ينجەنەرلىك عىلىمدار قۇرمەتتى دوكتورى دارەجەسى بەرىلدى.

«توكاي» ۋنيۆەرسيتەتىنىڭ رەكتورى يامادا كيەسي نۇرسۇلتان نازاربايەۆقا قۇرمەتتى دوكتور دارەجەسىنىڭ ديپلومى مەن مەدالى تاۋەلسىزدىك كەزەڭىندە قازاقستاندى وركەندەتۋگە، سونداي-اق عىلىم جانە ٴبىلىم بەرۋ سالاسىن حالىقارالىق ستاندارتتارعا ساي دامىتۋعا قوسقان ۇلەسى ٴۇشىن بەرىلگەنىن اتاپ ٴوتتى.

«ٴسىز ٴبىلىم مەن عىلىمدى، اسىرەسە جاراتىلىستانۋ عىلىمدارى مەن تەحنيكالىق پاندەردى جەتىلدىرۋ، جاڭعىرتۋ جانە جاھانداندىرۋ قاجەتتىلىگىن سەزىنىپ، بۇل باعىتتا كوپتەگەن ماڭىزدى ساياسي شەشىمدەر قابىلدادىڭىز»، – دەدى يا.كيەسي.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي