BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پرەزيدەنت «سارىارقا» گاز ماگيسترالى قۇرىلىسىنىڭ ٴبىرىنشى كەزەڭىن ىسكە قوستى

فوتو: Бауыржан Жуасбаев

استانا، baq.kz ٴتىلشىسى. مەملەكەت باسشىسى نۇرسۇلتان نازاربايەۆ «يندۋستريالاندىرۋدىڭ ەكىنشى بەسجىلدىعى: قازاقستاندا جاسالعان» تەلەكوپىرىندە ٴبىرقاتار يندۋستريالىق جوبانى ىسكە قوستى.

تەلەكوپىر بارىسىندا مەملەكەت باسشىسى نۇرسۇلتان نازاربايەۆ استانانى گازداندىرۋ جوباسىن ىسكە قوستى. ەلباسى «قىزىلوردا-جەزقازعان-قاراعاندى-تەمىرتاۋ-استانا» باعىتى بويىنشا ۇزاقتىعى 1061 كم بولاتىن جانە جىلىنا 2،2 ميلليارد تەكشە مەتر گاز وتكىزۋ مۇمكىندىگى بار «سارىارقا» گاز ماگيسترالىنىڭ ٴ1-شى كەزەڭىن ىسكە قوسۋعا پارمەن بەردى.

«بۇل ٴبىزدىڭ ٴىرى جوبامىز. ٴبىز مۇناي مەن گاز شىعاراتىن مەملەكەت رەتىندە قازاقستاننىڭ ورتالىعىن گازداندىرۋ ماسەلەسىنە ەندى عانا نازار اۋداردىق. بۇل ەل الدىنداعى ۇلكەن جاۋاپكەرشىلىك. مەنىڭ ويىمشا، ٴبىز كەلەسى جىلى وسى ماڭىزدى گاز قۇبىرىنىڭ قۇرىلىسى اياقتالىپ قالدى دەپ ايتاتىن بولامىز. بۇل گاز قۇبىرى ٴبىزدىڭ ەلوردامىزعا دەيىن جەتىپ، ٴار ۇيگە بارادى. وسىلايشا، ونەركاسىبىمىز وركەندەي تۇسەدى. سىزدەرگە ساتتىلىك تىلەيمىن»، - دەدى نازاربايەۆ ەكسپو كونگرەسس ورتالىعىندا.

سونداي-اق، پرەزيدەنت تەلەكوپىر اياسىندا الماتىداعى قۋاتى جىلىنا 550 مىڭ توننا قوقىس وڭدەيتىن «green recycle» جشس كەشەنىن جانە پەتروپاۆلداعى قاجەتتى حالىق تۇتىناتىن تاۋارلار مەن پوليمەرلەردى تولىق سيكلدا قايتا وڭدەيتىن «رادۋگا» جشس مەتالل پلاستيكالىق بۇيىمدار زاۋىتىن ىسكە قوستى.

تەلەكوپىر بارىسىندا ەلباسى «kegoc» اق 500 كيلوۆولتتىق «سەمەي-اقتوعاي-تالدىقورعان-الماتى» جەلىسىن ىسكە قوستى. اقتوبە وبلىسىنداعى قۋاتى 300 ملن تەكشە مەتر بولاتىن قوجساي كەن ورنىندا «gas processing company» جشس ىلەسپە مۇناي گازىن قايتا وڭدەۋ جوباسى جۇمىس ىستەي باستادى.

بۇعان قوسا، «samruk kazyna – united green» جشس «بالامالى ەنەرگەتيكا» سالاسىندا جامبىل وبلىسىندا قۋاتى 100 مۆت بولاتىن قازاقستان-بريتان بىرلەسكەن جوباسى - «بۋرنوە» كۇن ەلەكتر ستانسياسىن پايدالانۋعا بەردى. ماڭعىستاۋ وبلىسىنىڭ ٴتۇپقاراعان اۋدانىنداعى «kت رەدكومەتالنايا كومپانيا» جشس بىرلەسكەن كاسىپورنى جەل ەنەرگەتيكاسىنىڭ ٴبىرىنشى كەزەڭى ىسكە قوسىلدى.

تەلەكوپىر بارىسىندا اگرارلىق سەكتور بويىنشا زاماناۋي قوندىرعىلارمەن جابدىقتالعان «كارات» جشس (اتىراۋ وبلىسى) اۆتوماتتاندىرىلعان ديىرمەنى، قۋاتى جىلىنا 50 000 توننا ەت وندىرەتىن سوڭعى جىلدارى اگرارلىق سالاداعى ٴىرى جوبالاردىڭ ٴبىرى ماكينسك (اقمولا وبلىسى) قۇس فابريكاسىنىڭ ٴبىرىنشى كەزەڭى، سونداي-اق، ارقالىق قالاسىنداعى ەت وڭدەيتىن «تورعاي ەت» جشس كەشەنى پايدالانۋعا بەرىلدى.

بۇدان بولەك، تاماق ونەركاسىبى سالاسىندا mareven food holdings ترانسۇلتتىق حولدينگى الماتى وبلىسىندا ۇندى تەرەڭ وڭدەيتىن جانە تاماق ونىمدەرىن دايىندايتىن زاۋىت سالدى. تۇركىستان وبلىسىندا تۇيە مەن بيە ٴسۇتىن وڭدەيتىن «golden camel group ltd» جشس كاسىپورنى ىسكە قوسىلدى. وندا قۇرعاق ٴسۇت، بالالار تاعامى جانە ەنەرگەتيكالىق سۋسىندار ازىرلەنەدى.

پرەزيدەنت ونلاين رەجيمدە باتىس قازاقستان وبلىسىنداعى ەلىمىزدى رەسەيمەن جانە شىعىس ەۋروپامەن بايلانىستىراتىن «ورال-تاسقالا» اۆتوجولى ۋچاسكەسىندە اۆتوكولىك قوزعالىسىن دا اشتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي