BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نۇرسۇلتان نازاربايەۆتىڭ قاتىسۋىمەن تەلەكوپىر باستالدى

استانا، baq.kz ٴتىلشىسى. ەكسپو كونگرەسس ورتالىعىندا مەملەكەت باسشىسى نۇرسۇلتان نازاربايەۆتىڭ قاتىسۋىمەن «يندۋستريالاندىرۋدىڭ ەكىنشى بەسجىلدىعى: قازاقستاندا جاسالعان» تەلەكوپىرى باستالدى.

قازاقستان پرەزيدەنتى نۇرسۇلتان نازاربايەۆ يندۋستريالاندىرۋ كۇنى اياسىندا ونلاين رەجيمدە ٴبىرقاتار يندۋستريالىق، ينفراقۇرىلىمدىق، اگرارلىق جانە سيفرلىق جوبالاردى ىسكە قوسپاق.

يندۋستريالاندىرۋ باعدارلاماسى ىسكە اسىرىلعان جىلدارى بارلىعى 6،6 ترلن تەڭگەدەن استام سومانىڭ 1 148 جوباسى ىسكە قوسىلىپ، 107 مىڭ تۇراقتى جۇمىس ورنى اشىلعان. سونىڭ ىشىندە يندۋستريالاندىرۋدىڭ ٴبىرىنشى بەسجىلدىعى -2010 – 2014 جىلدارى يندۋستريالاندىرۋ كارتاسى اياسىندا 3 ترلن تەڭگەنىڭ 770 جوباسى ىسكە قوسىلىپ، 76 مىڭ تۇراقتى جۇمىس ورنى اشىلعان.

يندۋستريالاندىرۋدىڭ ەكىنشى بەسجىلدىعى - 2015-2017 جىلدار باستالعالى 3،1 ترلن تەڭگەنىڭ 378 جوباسى ىسكە قوسىلىپ، 31 مىڭ تۇراقتى جۇمىس ورنى اشىلدى.

2018 جىلى جالپى سوماسى شامامەن 1،2 ترلن تەڭگە بولاتىن 100 نىسان قاتارعا قوسىلىپ، 13 مىڭ ادامعا جۇمىسپەن قامتاماسىز ەتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي