BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نۇرسۇلتان نازاربايەۆ تاۋەلسىزدىك كۇنىمەن قۇتتىقتادى

فوتو: Бауыржан Жуасбаев

استانا، baq.kz ٴتىلشىسى. بۇگىن اقوردادا قر پرەزيدەنتى نۇرسۇلتان نازاربايەۆ مەملەكەتتىك ناگرادالار تاپسىرۋ راسىمىنە قاتىستى.

«بارشاڭىزدى ەلىمىزدىڭ ۇلىق مەرەكەسى – تاۋەلسىزدىك كۇنىمەن شىن جۇرەگىممەن قۇتتىقتايمىن. بۇل ەگەمەن ەلىمىزدى دۇنيەجۇزىنە تانىتىپ، بار جاقسىلىقتىڭ باستاۋى بولعان قازاق ٴۇشىن قاسيەتتى مەيرام. ٴبىز 27 جىل بۇرىن ازاتتىق جالاۋىن جەلبىرەتىپ، بەرەكە-بىرلىگىمىزدىڭ ارقاسىندا مەرەيلى مەملەكەتكە اينالدىق. بيىل تاۋەلسىزدىكتىڭ سيمۆولىنا اينالعان استانانىڭ 20 جىلدىق مەرەيتويىن ابىرويمەن اتاپ وتتىك»، - دەدى مەملەكەت باسشىسى.

قر پرەزيدەنتى نۇرسۇلتان نازاربايەۆ يگى ٴداستۇر بويىنشا تاۋەلسىزدىك كۇنى قارساڭىندا ەرەن ەڭبەگىمەن دارالانعان ەل ازاماتتارىنا قوشەمەت كورسەتىلەتىنىن اتاپ ٴوتتى.

«سىزدەر وسىنداي مەرەكەلى ٴساتتى جوعارى ماراپات پەن مارتەبەلى اتاققا يە بولدىڭىزدار. ٴارقايسىڭىز كوپشىلىكتىڭ قۇرمەتىنە بولەنىپ، ونەگەلى ىستەرىڭىزبەن جاڭا قازاقستاندى جاڭعىرتۋعا ات سالىسىپ جۇمىس ىستەدىڭىزدەر، سوندىقتان اقوردا تورىنە جينالعان بارشاڭىز ٴۇشىن بۇگىن ەرەكشە مەرەيلى كۇن دەپ سانايمىز»، - دەدى ەلباسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي