BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

نازاربايەۆ ۇلكەن بۋش جايلى: ول – ٴبىزدىڭ تاۋەلسىزدىگىمىزدى العاش مويىنداعان كوشباسشىلاردىڭ ٴبىرى

استانا، baq.kz. نۇرسۇلتان نازاربايەۆ اقش-تىڭ ٴ43-شى پرەزيدەنتى دجوردج ۋوكەر بۋشقا كوڭىل ايتۋ جەدەلحاتىن جولدادى. بۇل تۋرالى اقوردانىڭ ٴباسپاسوز قىزمەتى حابارلادى.

مەملەكەت باسشىسى امەريكا قۇراما شتاتتارىنىڭ ٴ41-شى پرەزيدەنتى دجوردج گەربەرت ۋوكەر بۋشتىڭ قايتىس بولعانى تۋرالى حاباردى زور كۇيزەلىسپەن قابىلدادى.

– ٴسىزدىڭ اكەڭىز ٴوز ەلىنىڭ ناعىز پاتريوتى بولدى ٴارى امەريكانىڭ وركەندەۋىنە ادال قىزمەت ەتتى. ول قىرعي-قاباق سوعىستىڭ اياقتالۋىنا جانە جاھاندىق قاۋىپسىزدىكتى ساقتاۋعا زور ۇلەس قوسقان اسا كورنەكتى مەملەكەت قايراتكەرى رەتىندە الەم تاريحىندا وشپەس ٴىز قالدىردى.

قازاقستان حالقى دجوردج بۋشتى ەكى جاقتى دوستىق قارىم-قاتىناستى ورناتۋعا جانە ونى نىعايتۋعا كوپ كۇش جۇمساعان دانا ساياساتكەر رەتىندە ٴاردايىم ەستە ساقتايتىن بولادى. ول – ٴبىزدىڭ تاۋەلسىزدىگىمىزدى العاش مويىنداعان كوشباسشىلاردىڭ ٴبىرى.

ٴبىز دجوردج بۋش ەكەۋىمىز جاقسى دوس بولدىق جانە ٴجيى كەزدەسىپ تۇردىق. ونىڭ تەحاستاعى رەزيدەنسياسىندا، اسىرەسە 2006 جىلى كەننەبانكپورتتاعى ۇيىندە ماعان كورسەتكەن قوناقجايلىعىن ٴارقاشان جىلى سەزىممەن ەسكە الامىن.

بارشا قازاقستان حالقىنىڭ جانە جەكە ٴوزىمنىڭ اتىمنان سىزگە جانە بۇكىل امەريكا حالقىنا كوڭىل ايتامىن، – دەلىنگەن جەدەلحاتتا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي