BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ: تۇركىستان 300 مىڭ ادامى بار شاھارعا اينالادى

فوتو: Tengrinews.kz

استانا، baq.kz ٴتىلشىسى. ەلباسى نۇرسۇلتان نازاربايەۆ باق وكىلدەرىمەن كەزدەسۋ بارىسىندا ميلليون تۇرعىنى بار قالالار سانىن ارتتىرۋ كەرەكتىگىن ايتتى.

«تۇركىستان – ٴبىزدىڭ تاريحي ورتالىعىمىزدىڭ ٴبىرى. بۇل جەردە وتە ۇلكەن شەشىمدەر قابىلدانعان. ٴقازىردىڭ وزىندە ول جەردە حاندارىمىزدىڭ، بەلگىلى باتىرلارىمىزدىڭ سۇيەگى جاتىر. تۇركىستان – تۇركى دۇنيەسىنىڭ ورتالىعى بولىپ سانالادى. قوجا احمەت ٴياسساۋيدىڭ ٴىلىمىن قاستەرلەيتىن جۇرت كوپ. بىرتىردىڭ وزىندە ول جاققا 150 مىڭعا جۋىق تۋريستەر باردى. شىمكەنت قالاسىنىڭ تۇرعىندارى ميلليون بولعانىمەن، ٴبىز ونى تىكەلەي ورتالىققا باعىناتىن قالا دەپ الدىق تا، تۇركىستان قالاسىن وبلىس ورتالىعى ەتتىك. قۇداي بۇيىرسا، ول جەردە تاعى ٴبىر ۇلكەن قالا پايدا بولادى. تۇركىستاندى كوتەرسەك، از جىلدىڭ ىشىندە 300 مىڭ ادامى بار شاھار بولىپ شىعادى. ول – ٴبىزدىڭ رۋحاني، تاريحي قالامىز بولىپ قالادى. مەن قالا قۇرىلىسىن بەكىتتىم. اكىمشىلىكتىڭ ورتالىعى، بارلىق دەپارتامەنت، ٴۇي، مادەنيەت قۇرىلىسى، ونىڭ ىشىندە بىرنەشە مۋزەيلەر قۇرىلۋ ماسەلەسى قارالعان. تۇركىستان تۋريستەردى تارتاتىن ۇلكەن قالا بولىپ شىقسا، قانداي ارمان بار؟!» - دەيدى مەملەكەت باسشىسى.

ول قازاقستاندا ميلليون تۇرعىنى بار قالالاردى كوبەيتۋ كەرەكتىگىن ايتتى.

«بىزگە ميلليون تۇرعىنى بار قالالار كەرەك. ونداي قالالاردا ٴبىلىم، عىلىم، مادەنيەت داميدى. بۇل – الەمدە بار تاجىريبە. ەلىمىزدە ميلليون تۇرعىنى بار ٴۇش قالا بار، ەندىگى ميلليون تۇرعىنى بولاتىن قالا – اقتوبە نەمەسە قاراعاندى. وسىلايشا ميلليون تۇرعىنى بار قالالاردى كوبەيتە بەرۋ كەرەك. اقش تۇرعىندارىنىڭ 2 پروسەنتى عانا اۋىلدى جەرلەردە تۇرادى. ولار اۋىل شارۋاشىلىق ونىمدەرىن وزدەرى تۇتىنىپ قانا قويماي، ەكسپورتتايدى. ال بىزدە حالىقتىڭ 43 پروسەنتى اۋىلدا تۇرادى، ٴبىراق ولاردىڭ 20 پروسەنتى اۋىلدا تۇراقتى تۇردە ٴومىر سۇرسە، قالعانى قالا مەن اۋىل اراسىندا ٴجۇرىپ جۇمىس ىستەيدى»، - دەيدى ەلباسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي