BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ «سيفرلىق قازاقستان» اياسىندا ٴبىرقاتار جوبانى ىسكە قوستى

استانا، baq.kz ٴتىلشىسى. مەملەكەت باسشىسى نۇرسۇلتان نازاربايەۆ «يندۋستريالاندىرۋدىڭ ەكىنشى بەسجىلدىعى: قازاقستاندا جاسالعان» تەلەكوپىرىندە ٴبىرقاتار يندۋستريالىق، ينفراقۇرىلىمدىق، اگرارلىق جانە سيفرلىق جوبانى ىسكە قوستى.

«سيفرلاندىرۋ ماسەلەسىنە قازاقستان جاقىندا عانا كىرىستى. بۇل ماسەلەمەن دۇنيە ٴجۇزىنىڭ بارلىعى اينالىسادى. بۇل بولاشاق. ٴبىز سيفرلاندىرۋ ارقىلى قازاقستان ەكونوميكاسىنىڭ ونىمدىلىگىن 2،5 ەسەگە ارتتىرايىن دەپ وتىرمىز. بارلىق سالادا. بىزگە ارتتا قالماۋ كەرەك. سوندىقتان تەحنولوگيالاردى ەنگىزۋ كەرەك. جۇمىس ىستەيىك»، - دەدى نازاربايەۆ ەكسپو كونگرەسس ورتالىعىندا.

تەلەكوپىر بارىسىندا «سيفرلىق قازاقستان» باعدارلاماسىن ىسكە اسىرۋدىڭ ارقاسىندا شىعىس قازاقستان وبلىسىنىڭ وزەركا اۋىلى مەن جامبىل وبلىسىنا قاراستى ورنەك اۋىلىنىڭ تۇرعىندارى كەڭ جولاقتى ينتەرنەتكە قول جەتكىزگەنى ايتىلدى.

بۇعان قوسا، ەلباسى سيفرلاندىرۋ اياسىندا ەكىباستۇزدا ورتالىق ازياداعى ەڭ ٴىرى داتا-ورتالىقتى، قوستانايدا ەلىمىزدەگى ەڭ سيفرلى ديىرمەن كەشەنى - «بەست كوستاناي» ٴجشس-ىن ىسكە قوستى. سونىمەن بىرگە، استانادا مودەم، كوممۋتاتور جانە اۆتوماتتى سيفرلى تەلەفون ستانسياسىن وندىرەتىن «digitalsystemservis» جشس زاۋىتىن ىسكە قوستى. جانە دە، الماتىدا پريبور جاساۋ جانە راديوەلەكترونيكا يننوۆاسيالىق «kaz tech innovations» جشس زاۋىتىنىڭ جۇمىسىن باستادى.

بۇدان بولەك، مەملەكەت باسشىسى جۇك اۋە تاسىمالى سالاسىندا e-freight جانە «قازپوشتا» كومپانياسىنىڭ «فۋلفيلمەنت-ورتالىق» قاعازسىز قۇجات اينالىم اقپاراتتىق جۇيەسىن، «قازترانسويلدىڭ» مۇناي تاسىمالداۋدى باسقارۋ digital-جۇيەسىن ىسكە قوستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي