BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

نازاربايەۆ: رەسەي، اقش پەن قىتاي اراسىنداعى باسەكەلەستىكتى باسقارۋ دەڭگەيى تومەندەپ كەلەدى

فوتو: Бауыржан Жуасбаев

استانا، baq.kz ٴتىلشىسى. بۇگىن قازاقستان پرەزيدەنتى نۇرسۇلتان نازاربايەۆ ەلوردادا ٴوتىپ جاتقان «استانا كلۋبىنىڭ» ٴتورتىنشى وتىرىسىنا قاتىستى.

«ٴبىزدىڭ ورتاق مىندەتىمىز – الەمدىك ەكونوميكا مەن گەوساياساتتا ۋشىعىپ بارا جاتقان جاعدايدان شىعۋ جولىن ىزدەۋ. بۇل ٴۇشىن قازىرگى دۇنيەجۇزىلىك احۋالدىڭ ماڭىزدى ماسەلەلەرى مەن تاۋەكەلدەرىنە توقتالعىم كەلەدى. مەنىڭشە، بىرىنشىدەن، ٴىرى دەرجاۆالار اراسىندا ۋشىعىپ بارا جاتقان قاراما-قايشىلىقتار تۇراقسىزدىقتى كۇشەيتەدى، وقيعالاردى بولجاۋ مۇمكىندىگىن تومەندەتەدى. بۇنداي كونفرونتاسيانى ٴبىزدىڭ كورمەگەنىمىزگە كوپ بولدى. پوستبيپيوليارلىق الەمدىك ٴتارتىپ تاريحتا عانا قالدى. ٴبىزدىڭ كوز الدىمىزدا ۇلكەن ەۋرازيا كونتۋرلارى قالىپتاسۋدا. بۇل پروسەسكە عالامدىق ويىنشىلار اراسىندا وزگەرىپ جاتقان احۋال دا، عالامدىق دەرجاۆالار اراسىندا ٴوسىپ جاتقان باسەكەلەستىك تە اسەر ەتىپ وتىر»، - دەدى نۇرسۇلتان نازاربايەۆ.

ەلباسىنىڭ ايتۋىنشا، رەسەي، اقش پەن قىتاي حالىق رەسپۋبليكاسى اراسىنداعى گەوساياسي باسەكەلەستىكتىڭ ۋشىعۋى عالامدىق كونتەكستە عانا ەمەس، ۇلكەن ەۋرازيا پەريمەترىندە دە ورىن الىپ وتىر.

«بۇل ستارتەگيالىق ۇشتىكتە كۇردەلى جاعدايلار ٴاردايىم بولعان. بۇعان تاريح كۋا. دەگەنمەن، سوڭعى جىلدارى ولاردى باسقارۋ دەڭگەيى تومەندەپ كەلەدى. ەندى اۋقىمدى داعدارىستار ورىن الۋى مۇمكىن. كەيبىر وقيعالاردىڭ ٴىرى قاقتىعىستارعا ۋشىعىپ كەتۋ مۇمكىندىگى بىرنەشە ەسە ارتىپ وتىر»، - دەدى نۇرسۇلتان نازاربايەۆ.

اتاپ وتسەك، «استانا كلۋبى» ٴتورتىنشى وتىرىسىنا قاتىسۋشىلار جاھاندىق ەكونوميكاداعى وزگەرىستەر مەن ادامزات الدىنا قويىلعان جاڭا مىندەتتەر تۋرالى پىكىر تالاستىرۋدا. 12-13 قاراشادا نازاربايەۆ ورتالىعىندا astana club iv-وتىرىسى ٴوتىپ جاتقانىن ەسكە سالامىز.

«استانا كلۋبى» الەمگە تانىمال ساراپشىلار، ساياساتكەرلەر مەن ديپلوماتتاردىڭ باسىن قوسىپ، ساياسي فورۋم ۇلگىسىندە وتەتىن بەدەلدى حالىقارالىق الاڭ سانالادى.

قاتىسۋشىلاردىڭ باستى نازارى داعدارىس پەن تۇراقسىزدىق كەزەڭىندە ەۋرازياعا ٴتونىپ تۇرعان قاۋىپتەرگە ارنالىپ وتىر. وتىرىستىڭ باستى تاقىرىبى – «ۇلكەن ەۋرازياعا اپارار جول: ورتاق بولاشاقتى قالاي قۇرامىز؟»

بۇعان دەيىن قازاقستاندىق ساراپشى اقش پەن قىتاي اراسىنداعى ساۋدا سوعىسى اسكەري-ساياسي شيەلەنىسكە اكەلۋى مۇمكىن دەگەن پىكىر بىلدىرگەن بولاتىن.

فوتولار: باۋىرجان جۋاسبايەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي