BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ پرەزيدەنت جانە پارلامەنت سايلاۋىنىڭ قاشان وتەتىنىن ايتتى

فوتو: digital.report

استانا، baq.kz ٴتىلشىسى. قازاقستان پرەزيدەنتى نۇرسۇلتان نازاربايەۆ باق وكىلدەرىنە بەرگەن سۇحباتىندا پرەزيدەنت جانە پارلامەنت سايلاۋى قاشان وتەتىنىن ايتىپ بەردى. سۇحبات بارىسىندا جۋرناليست «قوس سايلاۋ مەرزىمىنەن بۇرىن ٴوتۋى مۇمكىن» دەگەن ٴسوزدىڭ تاراعانىن ايتتى.

«بارلىق مەرزىم انىقتالعان، بارلىعى بەلگىلى. سوعان قاراماستان، ەگەر بىزدە اۋلادا، بالالار الاڭىندا جوندەۋ جۇمىستارى باستالسا بولدى، «سايلاۋ تاياپ قالدى» دەپ ويلايدى. پارلامەنت بويىنشا ايتسام، ولاردى مەرزىمىنەن بۇرىن سايلايتىنداي ەشقانداي ماسەلە جوق. ولار وزدەرىنىڭ زاڭنامالىق ٴرولىن اتقارىپ كەلە جاتىر. كەشە عانا جىلدى قورىتىندىلادى. ٴبىز ۇسىنىپ وتىرعان جاڭالىقتار، جاڭا باعدارلامالار، باعىتتار زاڭنامالىق جاعىنان جاقسى قامتاماسىز ەتىلىپ كەلە جاتىر. ٴبىز كونستيتۋسياعا وزگەرىس ەنگىزدىك. ەلىمىزدە 7 پارتيا قىزمەت ەتىپ كەلەدى. ٴقازىر پارتيالىق ٴتىزىم بويىنشا جەر-جەرلەردە ٴماسليحاتتار سايلانادى. سوندىقتان، پارلامەنتتىڭ مەرزىمى - 2021 جىل. وسى ۋاقىتتا سايلانادى»، - دەدى نۇرسۇلتان نازاربايەۆ.

ەلباسىنىڭ ايتۋىنشا، پرەزيدەنت سايلاۋى 2020 جىلدىڭ جەلتوقسانىندا وتەدى.

«ٴالى ەكى جىل بار. ٴبىز نەنى ايتىپ ٴجۇرمىز؟ جاقىنداعاندا تاعى سويلەسەمىز»، - دەدى مەملەكەت باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي