BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ پەن پوروشەنكو ۋكراينانىڭ وڭتۇستىك-شىعىسىنداعى احۋال جونىندە سويلەستى

استانا، baq.kz. نۇرسۇلتان نازاربايەۆ ۋكراينا پرەزيدەنتى پەترو پوروشەنكومەن تەلەفون ارقىلى سويلەستى. بۇل تۋرالى اقوردانىڭ ٴباسپاسوز قىزمەتى حابارلادى.

مەملەكەتتەر باسشىلارى ەكى جاقتى ىنتىماقتاستىقتىڭ وزەكتى ماسەلەلەرى مەن پەرسپەكتيۆالارىن تالقىلاپ، بيىل قازاقستان مەن ۋكراينا اراسىنداعى بايلانىستاردىڭ جاندانا تۇسكەنىن اتاپ ٴوتتى.

ەكى ەل كوشباسشىلارى ۋكراينانىڭ وڭتۇستىك-شىعىسىنداعى قازىرگى احۋال جونىندە پىكىر الماستى. نۇرسۇلتان نازاربايەۆ ۋكراينا داعدارىسىنا قاتىستى تاراپتاردى سىندارلى ديالوگ جۇرگىزىپ، كەلىسىمگە كەلۋگە شاقىردى، سونداي-اق وسى قاقتىعىستى شەشۋ ٴۇشىن جان-جاقتى قولداۋ كورسەتۋگە ٴازىر ەكەنىن ايتتى.

ۋكراينا پرەزيدەنتى پەترو پوروشەنكو كەرچ بۇعازى ماڭىندا بولعان وقيعا جونىندە مالىمدەدى. وسىعان وراي، قازاقستان پرەزيدەنتى بۇل ماسەلەنىڭ ۋكراينا مەن رەسەي تاراپتارى اراسىنداعى كەلىسسوزدەر ارقىلى تەزىرەك شەشىلۋىنە نيەتتەستىك ٴبىلدىردى.

مەملەكەتتەر باسشىلارى الداعى ۋاقىتتا دا بايلانىستى جالعاستىرا بەرۋ جونىندە ۋاعدالاستى.

تەلەفون ارقىلى سويلەسۋگە ۋكراينا جاعى باستاماشى بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي