BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ: وزبەكستان مەن قازاقستان اراسىندا قالا پايدا بولۋى مۇمكىن

فوتو: Today.kz

استانا، baq.kz ٴتىلشىسى. مەملەكەت باسشىسى قازاقستاننىڭ سىرتقى ساياسات سالاسىنداعى باستى جەتىستىكتەرى تۋرالى ايتتى، سونداي-اق استانادا ورتالىق ازيا باسشىلارىنىڭ كەزدەسۋىنە قاتىستى پىكىر ٴبىلدىردى.

«كورشى بەس مەملەكەت – قانىمىز دا، جانىمىز دا ٴبىر، ٴدىنىمىز دە، ٴدىلىمىز دە ٴبىر ادامدارمىز. سوۆەت وداعى ىدىراپ، جەكە قالعان كەزدە وسى ەلدەردىڭ اراسىنداعى ىنتىماقتىڭ تىعىز بولعانى قاجەت ەدى. ول قاۋىپسىزدىك ٴۇشىن دە، ەكونوميكا ٴۇشىن دە، قارىم-قاتىناس ٴۇشىن دە كەرەك. مەن سونى ويلاپ، ورتالىق ازياداعى وداعىمىزدى قۇرايىق، شەكارامىزدى اشايىق، ساۋدا-ساتتىق، مادەني قارىم-قاتىناسىمىز دۇرىس بولسىن دەپ بىرنەشە باستاما جاساعان بولاتىنمىن. كەيىن ٴارتۇرلى جاعدايدا ٴبارى بۇزىلىپ كەتتى»، - دەدى ەلباسى.

تاۋەلسىزدىك العاننان كەيىن ٴار مەملەكەت ٴوز جولىنا ٴتۇستى.

«ٴقازىر، مىنەكەي، جاعداي مۇلدەم وزگەردى. وزبەكستاننىڭ 33 ميلليون حالقى بار. ول ٴبىزدىڭ ارامىزداعى ەڭ ٴىرى مەملەكەت بولىپ سانالادى. ول مەملەكەتپەن بىزگە قارىم-قاتىناس جاساۋ كەرەك. ٴبىر ميلليارد دوللارعا جەتپەي جۇرگەن ساۋدا-ساتتىعىمىز بيىل ٴۇش ميلليارد دوللار بولدى. بيىل ساۋدا-ساتتىق 42% ٴوستى. ٴبىز ساۋدا-ساتتىقتى بەس ميلليارد دوللارعا جەتكىزۋدى ماقسات ەتىپ وتىرمىز، سەبەبى بىزدە جوق نارسە ولاردا بار، ولاردا جوق نارسە بىزدە بار. وزبەكستان ارقىلى كەلەتىن گازدىڭ باعاسى 30% ارزان بولادى. سۋ، ارال ماسەلەسىن بىرگە وتىرىپ شەشىگە مۇمكىندىك پايدا بولدى»، - دەدى ول.

ەلباسى وسى جاعداي ونى قۋانتاتىنىن ايتتى.

«وزبەكسان مەن قازاقستان اراسىندا ۇلكەن كەشەن سالىنادى. ەكى جاقتان دا ٴوندىرىس جاساپ، ول جەردە جاڭادان قالا پايدا بولۋى مۇمكىن. ولارعا دا، بىزگە دە شقانداي كەدەرگى جاسامايىق. ارينە، كەزىندە رەفورما بارلىق جاعىنان توقتاپ قالدى. ٴقازىر قيىن-قىستاۋ جاعدايدا وزبەكستاننىڭ جاڭا پرەزيدەنتى بارلىعىن ەپتەپ-ەپتەپ وتكىزىپ جاتىر. مەن قولدان كەلگەنشە كومەكتەسىپ جاتىرمىن. سول سياقتتى باسقا دا ەلدەرمەن دە كەزدەستىك»، - دەيدى نازاربايەۆ.

بەس مەملەكەت تە بىر-بىرىنە ساپار جاساعان.

«مۇنداي جاعدا بۇرىن سوڭدى بولماعان. ەندىگى جىلدىڭ قازاقستاننىڭ وزبەكستانداعى مادەني جىلى وتكەلى جاتىر. تاشكەنتتە مەن دە بولامىن»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي