نازاربايەۆ: ورتالىق ازيا ەلدەرى باسشىلارىنىڭ كەزدەسۋى وتە ٴساتتى ٴوتتى - پرەزيدەنت|15 ناۋرىز 2018، 17:41
كۋرسى ۆاليۋت وبنوۆليايۋتسيا
استانا:

نازاربايەۆ: ورتالىق ازيا ەلدەرى باسشىلارىنىڭ كەزدەسۋى وتە ٴساتتى ٴوتتى

فوتو: Бауыржан Жуасбаев

قازاقستان پرەزيدەنتى نۇرسۇلتان نازاربايەۆ استانادا وتكەن ورتالىق ازيا ەلدەرى باسشىلارىنىڭ كەزدەسۋى ٴساتتى اياقتالعانىن ٴمالىم ەتتى، دەپ حابارلايدى baq.kz ٴتىلشىسى.

بۇگىن اقوردادا ورتالىق ازيا مەملەكەتتەرى باسشىلارىنىڭ كەزدەسۋى ٴوتتى. وعان وزبەكستان پرەزيدەنتى شاۆكات ميرزيەەۆ، تاجىكستان پرەزيدەنتى ەمومالي راحمون، قىرعىزستان پرەزيدەنتى سوورونباي جەەنبەكوۆ جانە تۇرىكمەنستاننىڭ مەدجليس ٴتوراعاسى اكدجا نۇربەردىەۆ قاتىستى.

كەلىسسوزدەر بارىسىندا باسشىلار ٴوزارا كونسترۋكتيۆتى ديالوگ ورناتىپ، ورتالىق ازيا وڭىرلەرىن دامىتۋ، ىنتىماقتاستىقتى نىعايتۋعا قاتىستى ماسەلەلەردى تالقىلادى. وتىرىس جابىق ەسىك جاعدايىندا ٴوتتى.

اتالعان كەزدەسۋ اياقتالعان سوڭ مەملەكەت باسشىسى جۋرناليستەرگە جيىننىڭ جوعارى دەڭگەيدە وتكەنىن ايتتى.

«ورتالىق ازيا ەلدەرى باسشىلارىنىڭ كەزدەسۋى وتە ٴساتتى ٴوتتى. ٴبىز وسىنداي قۇراممەن شامامەن 10 جىل بويى كەزدەسكەن جوقپىز. ٴبىز وزەكتى وڭىرلىك جانە حالىقارالىق كۇن تارتىبىندە تۇرعان ماسەلەلەر بويىنشا كونسترۋكتيۆتى تۇردە پىكىر الماستىق»، - دەدى نۇرسۇلتان نازاربايەۆ باق وكىلدەرىنە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي