BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ مەدۆەدەۆكە جىلى لەبىزىن ٴبىلدىردى

فوتو: Ақорда

استانا، baq.kz. نۇرسۇلتان نازاربايەۆ رەسەي فەدەراسياسى ۇكىمەتىنىڭ ٴتوراعاسى دميتريي مەدۆەدەۆپەن كەزدەستى. بۇل تۋرالى اقوردانىڭ ٴباسپاسوز قىزمەتى حابارلادى.

كەزدەسۋ بارىسىندا تاراپتار ەكى مەملەكەت اراسىنداعى ىنتىماقتاستىقتىڭ نەگىزگى اسپەكتىلەرىن تالقىلادى.

مەملەكەت باسشىسى قازاقستان مەن رەسەي اراسىندا ٴوزارا سەنىمگە نەگىزدەلگەن جانە قارقىندى دامىپ كەلە جاتقان ىقپالداستىقتىڭ ستراتەگيالىق سيپاتىن اتاپ ٴوتتى.

"جاقىندا پرەزيدەنت ۆلاديمير پۋتينمەن كەزدەستىم. قازاقستان مەن رەسەي اراسىنداعى بايلانىستار ۇلگى ەتۋگە تۇرارلىق. بىزگە وسى قارىم-قاتىناستى ساقتاۋ قاجەت"، – دەدى نۇرسۇلتان نازاربايەۆ.

سونىمەن قاتار، قازاقستان پرەزيدەنتى ەۋرازيا ەكونوميكالىق وداعى، ۇجىمدىق قاۋىپسىزدىك شارتى ۇيىمى جانە تمد سياقتى حالىقارالىق ۇيىمداردىڭ اياسىندا ەكى ەلدىڭ ٴوزارا ىنتىماقتاستىعىن نىعايتۋ ماسەلەلەرىنە توقتالدى.

فوتو: اقوردا

مەملەكەت باسشىسى قازاقستان مەن رەسەي ۇكىمەتتەرىنىڭ ساۋدا-ەكونوميكالىق قارىم-قاتىناستاردى جانە ٴوڭىرارالىق بايلانىستاردى نىعايتۋ ىسىندە ماڭىزدى ٴرول اتقاراتىنىن اتاپ ٴوتىپ، ەكى جاقتى ىنتىماقتاستىقتى دامىتۋعا قوسقان ۇلەسى ٴۇشىن د.مەدۆەدەۆكە ريزاشىلىق ٴبىلدىردى.

رەسەي فەدەراسياسى ۇكىمەتىنىڭ ٴتوراعاسى ەكى مەملەكەت اراسىنداعى ٴوزارا ٴتيىمدى قارىم-قاتىناستاردىڭ ناتيجەسىندە قازاقستان مەن رەسەي اراسىنداعى ساۋدا كولەمى ارتقانىن ايتتى.

"قازاقستان – رەسەيدىڭ ستراتەگيالىق سەرىكتەسى ٴارى وداقتاسى. ٴبىزدىڭ قارىم-قاتىناسىمىز اۋقىمدىلىعىمەن جانە تاريحىنىڭ تەرەڭدىگىمەن ەرەكشەلەنەدى. جوعارى دەڭگەيدە وتكىزىلەتىن كوپتەگەن كەزدەسۋ، سونداي-اق ۇكىمەتتەرىمىز بەن بيزنەس قوعامداستىقتارىمىز اراسىنداعى جاقسى قارىم-قاتىناس – سونىڭ دالەلى. ٴبىز جىل بويى ٴتۇرلى باسقوسۋدا ٴجيى جۇزدەسەمىز. بۇل – قۋانتارلىق ٴجايت. مۇنداي قاتىناستار بولمايىنشا، تولىققاندى ٴوزارا ىقپالداستىق ورناتۋ مۇمكىن ەمەس"، – دەدى د.مەدۆەدەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي