BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ ديپلوماتيالىق وكىلدىك باسشىلارىمەن كەزدەستى

فوتو: Бауыржан Жуасбаев

استانا، baq.kz ٴتىلشىسى. اقوردادا قازاقستان پرەزيدەنتى نۇرسۇلتان نازاربايەۆ ەلىمىزدە تىركەلگەن شەتەلدىك ديپلوماتيالىق كورپۋس وكىلدەرىمەن كەزدەستى.

«قۇرمەتتى ەلشىلەر، ديپلوماتيالىق ميسسيالار مەن حالىقارالىق ۇيىمداردىڭ باسشىلارى، بۇگىنگى كۇنى سىزدەرمەن كەزدەسىپ وتىرعانىما قۋانىشتىمىن. جال سايىنعى ٴداستۇرىمىز بويىنشا وسى كەزدەسۋدە پىكىر الماسىپ، جاعدايدى حابارلايتىن بولامىز. بيىلعى جىلى قازاقستاننىڭ تاۋەلسىزدىگىنە 27 جىل بولادى. بيىل ەلوردامىز – استانانىڭ 20 جىلدىق مەرەيتويىن اتاپ وتكەنىمىزدى بىلەسىزدەر. قازىرگى تاڭدا ەلىمىز اۋقىمدى ٴارى تاريحي ماڭىزدى بىرنەشە رەفورمانى ىسكە اسىرۋ جولىندا. قازان ايىنداعى جولداۋىمدا بەلگىلەنگەن اۋقىمدى باستامالاردى ورىنداۋ ٴۇشىن 4 ملرد دوللاردان استام قاراجات جۇمسالاتىن بولادى. بۇنىڭ جۇرگىزىلۋىن ٴقازىر ٴبىز باقىلاپ وتىرمىز»، - دەدى نازاربايەۆ جيىندا.

ەلباسى 1،3 ملن قىزمەتكەردىڭ جالاقىسى كوتەرىلەتىنىن، سونىمەن قاتار، ادام كاپيتالىن دامىتۋ، قۇقىق قورعاۋ جۇيەسىن جەتىلدىرۋ، ناقتى شارالاردى ىسكە اسىرۋ كوزدەلگەنىن ەسكە سالدى.

«جالپى، وزدەرىڭىز بىلەتىن، «7-20-25»، «نۇرلى جەر»، «نۇرلى جول» جانە باسقا دا مەملەكەتتىك باعدارلامالار حالىقتىڭ الەۋمەتتىك جاعدايىن جاقسارتۋعا باعىتتالعان. وتكەن جىلى قازاقستان ەكونوميكاسىنىڭ ٴوسىمى 4 پروسەنتكە جەتىپ، الەمدىك ورتاشا كورسەتكىشتەن اسىپ ٴتۇستى. بيىلعى جىلى دا وسى دەڭگەيدە نەمەسە كوبىرەك بولادى دەپ كۇتەمىز. تاۋەلسىزدىك جىلدارى ەلىمىزگە شەتەلدەن تارتىلعان تىكەلەي ينۆەستيسيانىڭ جالپى كولەمى 300 ملرد دوللاردان استى. وسىنىڭ ارقاسىندا ٴبىزدىڭ ەكونوميكامىز دامىپ كەلە جاتىر»، - دەدى نۇرسۇلتان نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي