BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ: ازاماتتار تاراپىنان ٴبىزدىڭ زاڭدارىمىز بەن قۇقىق قورعاۋ ورگاندارىنا قاتىستى شاعىمدار بار

بۇگىن قر پارلامەنتى پالاتالارىنىڭ بىرلەسكەن وتىرىسىندا مەملەكەت باسشىسى نۇرسۇلتان نازاربايەۆ ەكونوميكالىق قىزمەت سالاسىنداعى قىلمىستىق زاڭنامانى ودان ارى ىزگىلەندىرۋ ماسەلەسىن قاراستىرۋى قاجەت ەكەنىن ايتتى، دەپ حابارلايدى baq.kz اقپارات اگەنتتىگى.

«پارلامەنت ەكونوميكالىق قىزمەت سالاسىنداعى قىلمىستىق زاڭنامانى ودان ارى ىزگىلەندىرۋ ماسەلەسىن قاراستىرۋى قاجەت. بۇل رەتتە ىنتالاندىرۋ مەن جازا اراسىندا وڭتايلى تەڭگەرىم تابۋ كەرەك. اكىمشىلىك قۇقىق بۇزۋشىلىق تۋرالى زاڭناما تۇراقتى بولۋى ٴتيىس. وسى ورايدا قۇقىق بۇزۋشىلىق سيپاتىنا سايكەستىك، جاۋاپكەرشىلىك ٴپرينسيپى مۇلتىكسىز ساقتالۋى ٴتيىس»، - دەدى نازاربايەۆ.

سونىمەن قاتار، ەلباسى بۇل ماسەلەدە ٴالى دە جەتىلدىرە تۇسەتىن تۇستارى كوپ ەكەنىن ايتتى.

«ٴبىز بۇل تاقىرىپتى از ايتقانىمىز جوق. بۇل ىسپەن ۇكىمەت تە، پرەزيدەنت اپپاراتى دا اينالىستى. دەگەنمەن، ماسەلە تۇبەگەيلى شەشىلمەي وتىر. ازاماتتار تاراپىنان ٴبىزدىڭ زاڭدارىمىزدىڭ تولىقتاي ۇستەمدىك ەتپەيتىندىگىنە جانە قۇقىق قورعاۋ ورگاندارىنا قاتىستى شاعىمدار بار. سوندىقتان ونىمەن ٴالى دە جۇمىس ىستەۋ قاجەت. بيىل ۇكىمەت بۇل مىندەتتەردى شەشۋگە باعىتتالعان زاڭ جوباسىن ەنگىزەتىن بولادى»، - دەدى پرەزيدەنت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي