BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ «ارحيۆ – 2025» باعدارلاماسىن ىسكە قوسۋدى ۇسىندى

استانا، baq.kz. بۇگىن قر پرەزيدەنتى نۇرسۇلتان نازاربايەۆتىڭ « ۇلى دالانىڭ جەتى قىرى» اتتى ماقالاسى جاريالاندى. وسى ورايدا مەملەكەت باسشىسى ەجەلگى داۋىردەن قازىرگى زامانعا دەيىنگى كەزەڭدى قامتيتىن بارلىق وتاندىق جانە شەتەلدىك مۇراعاتتار دۇنيەسىنە ەلەۋلى ىرگەلى زەرتتەۋلەر جۇرگىزۋ ٴۇشىن «ارحيۆ - 2025» جەتى جىلدىق باعدارلاماسىن جاساۋ قاجەت ەكەنىن ايتتى.

«تاۋەلسىزدىك جىلدارىندا حالقىمىزدىڭ وتكەنىن زەرتتەۋگە قاتىستى اۋقىمدى جۇمىستار اتقارىلدى. ەلىمىزدىڭ تاريحي جىلناماسىنداعى اقتاڭداقتاردى قايتا قالپىنا كەلتىرۋگە جول اشقان «مادەني مۇرا» باعدارلاماسى تابىستى ىسكە اسىرىلدى. ٴبىراق، بابالارىمىزدىڭ ٴومىرى مەن ولاردىڭ عاجاپ وركەنيەتى جونىندەگى كوپتەگەن دەرەكتى قۇجاتتار، ٴالى دە بولسا، عىلىمي اينالىمعا تۇسكەن جوق. ولار الەمنىڭ بۇكىل ارحيۆتەرىندە ٴوز ىزدەۋشىسى مەن زەرتتەۋشىسىن كۇتىپ جاتىر. سوندىقتان، ەجەلگى داۋىردەن قازىرگى زامانعا دەيىنگى كەزەڭدى قامتيتىن بارلىق وتاندىق جانە شەتەلدىك مۇراعاتتار دۇنيەسىنە ەلەۋلى ىرگەلى زەرتتەۋلەر جۇرگىزۋ ٴۇشىن «ارحيۆ - 2025» جەتى جىلدىق باعدارلاماسىن جاساۋىمىز قاجەت دەپ سانايمىن»، - دەپ جازدى نۇرسۇلتان نازاربايەۆ ماقالاسىندا.

پرەزيدەنت بۇل جوبانى جۇزەگە اسىرۋ بارىسىندا تاريحشىلاردان، دەرەكتانۋشىلار مەن مادەنيەتتانۋشىلاردان قۇرىلعان ارنايى توپتاردىڭ وتاندىق جانە شەتەلدىك ٴىرى ارحيۆتەرمەن ٴوزارا جۇيەلى ٴارى ۇزاق مەرزىمدى ىقپالداستىقتا بولىپ، ىزدەۋ-زەرتتەۋ جۇمىستارىن جۇرگىزۋىنە باسا ٴمان بەرۋ كەرەك ەكەنىن ايتتى.

«قاي جاعىنان بولسىن، بۇل ماڭىزدى جۇمىس مەملەكەت ەسەبىنەن اتقارىلاتىن «اكادەميالىق تۋريزمگە» اينالماۋعا ٴتيىس. ارحيۆ دەرەكتەرىن تەك جيناقتاپ قانا قويماي، بارلىق مۇددەلى زەرتتەۋشىلەر مەن قالىڭ جۇرتشىلىققا قولجەتىمدى بولۋى ٴۇشىن ولاردى بەلسەندى تۇردە سيفرلىق فورماتقا كوشىرۋ قاجەت. ٴوز تاريحىنا دەگەن ماقتانىش سەزىمىن ۇيالاتىپ، وتانشىلدىق تاربيە بەرۋ مەكتەپ قابىرعاسىنان باستالۋعا ٴتيىس. سوندىقتان، مەكتەپتەر مەن بارلىق وڭىرلەردەگى ولكەتانۋ مۋزەيلەرىنىڭ جانىنان تاريحي-ارحەولوگيالىق قوزعالىستار قۇرۋ ماڭىزدى. ۇلت تاريحىن ساناعا ٴسىڭىرۋ بارشا قازاقستاندىقتاردىڭ بويىندا ٴوز باستاۋلارىنا دەگەن ورتاقتىق سەزىمىن قالىپتاستىرادى»، - دەپ جازدى پرەزيدەنت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي