BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

نازاربايەۆ: ٴار وبلىستىڭ قاي باعىتتا داميتىنى تۋرالى جوسپارى بولۋى كەرەك

فوتو: abctv.kz

استانا، baq.kz ٴتىلشىسى. قر پرەزيدەنتى نۇرسۇلتان نازاربايەۆ باق وكىلدەرىمەن كەزدەسۋ بارىسىندا قازاقستانداعى ٴار ٴوڭىر قاي باعىتتا دامۋ كەرەكتىگىن ايتتى.

«قالالاردىڭ ىشكى، سىرتقى ٴتۇرى وزگەرىپ جاتىر. بىلتىر 11 ملن. شارشى مەتر ٴۇي سالدىق، بيىل 12 ملن. شارشى مەتر ٴۇي سالامىز. بۇل –100 مىڭنان استام پاتەر. دەمەك، جارتى ميلليوننان استام ادام باسپانالى بولادى دەگەن ٴسوز»، - دەيدى ەلباسى.

ول پاتەرلەر قاي جەردە – قالالاردا.

«اقتوبە، اتىراۋ، اقتاۋدا سالىنىپ جاتقان ۇيلەر قالالاردىڭ دامىپ جاتقانىن كورسەتەدى. ٴار وبلىستىڭ، ٴار ٴوڭىردىڭ قاي باعىتتا ٴوسۋ كەرەك ەكەنىن ايقىندايتىن جوسپارى بولۋى كەرەك. مىسالى، الماتى وبلىسى كوكونىس، ورتالىق ٴوڭىر استىق وندىرۋگە، باتىستا مۇناي، شىعىستا تەمىر، كومىر وندىرۋگە قولايلى. بۇل وڭىرلەردە وسى سالاعا قاتىستى ماماندار دايىنداۋ كەرەك. بارلىق ٴوڭىر وسپەسە – جالپى قازاقستان وسپەيدى، سوندىقتان وعان قاتتى كوڭىل ٴبولىپ وتىرمىز»، - دەيدى ول.

ۇكىمەت باسشىلارىنىڭ باسىن قوسىپ، ٴار ٴوڭىر ٴوز سالاسى بويىنشا وركەندەپ وسەتىن باعدارلامالار بويىنشا جوسپار جاساۋ تۋرالى تاپسىرما بەرىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي