BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ: اقش پەن رەسەي اراسىنداعى جاعداي شيەلەنىسسە، بىزگە اسەرى بولادى

فوتو: Ақорда

استانا، baq.kz ٴتىلشىسى. نۇرسۇلتان نازاربايەۆ باق وكىلدەرىمەن كەزدەسىپ، مەملەكەتىمىزدىڭ الەۋمەتتىك-ەكونوميكالىق دامۋىنىڭ نەگىزگى ناتيجەلەرى تۋرالى اڭگىمەلەپ، جاڭعىرۋ جونىندەگى رەفورمالار مەن باعدارلامالاردى ىسكە اسىرۋدى ودان ٴارى جالعاستىرۋدىڭ ماڭىزدىلىعىن اتاپ ٴوتتى.

ەلباسى بيىل اقش پرەزيدەنتىمەن كەزدەسۋىنىڭ تاريحي ماڭىزى تۋرالى ايتتى.

«تاۋەلسىزدىك العالى اقش-قا رەسمي تۇردە ون ٴبىر رەت باردىم. بۇل جولعى ساپاردىڭ تاريحي ماڭىزى سوندا – مەن اقش-تىڭ جاڭا پرەزيدەنتىمەن كەزدەستىم. امەريكا – الەمدەگى ەڭ ٴىرى، مىقتى دەرجاۆا ەكەنىن مويىنداۋىمىز كەرەك، ٴبىراق رەسەيگە، قىتايعا اسەر ەتىپ جاتقان قازىرگى ەكونوميكالىق جاعداي ول مەملەكەتكە دە اسەر ەتپەي قويمايدى»، - دەدى ەلباسى.

سونداي-اق، ول اقش پرەزيدەنتىمەن جاقسى كەلىسسوزدەر جۇرگىزىلگەنىن ايتتى.

«بۇعان دەيىن ونىمەن ەكى رەت تەلەفون ارقىلى سويلەستىك. ونى ٴبىرىنشى رەت ٴباا باسشىلارىمەن كەزدەسۋ بارىسىندا كەزدەستىرگەنمىن. ول كەزدەسۋدىڭ العاشقى ساتىنەن-اق دوستىق نيەتپەن قارسى الدى. بۇل كەزدەسۋ – ەكى ساياساتكەردىڭ ٴبىر-بىرىن جاقسى تۇسىنگەن كەزدەسۋى بولدى. امەريكا – قازاقستاننىڭ ٴىرى ينۆەستورى بولىپ سانالادى. ٴبىز ٴاردايىم ورتاق ٴتىل تابىسىپ كەلدىك جانە اقش تاراپى وسى قارىم-قاتىناستى دامىتقىسى كەلەتىنىن ٴتۇسىندىم. اقش پەن رەسەيدىڭ سانكسيالىق سوعىسى ٴبىز ٴۇشىن قولايلى ەمەس. ٴسوز سوڭىندا وعان بۇل ماسەلەنىڭ بىزگە قاتىسى جوق ەكەنىن ايتتىم، ٴبىراق بۇل ماسەلەنىڭ ٴبىزدى جاناپ وتەتىنىن بىلەمىن، ويتكەنى ٴبىز رەسەيمەن ۇلكەن ساۋدا-ساتتىق قارىم-قاتىناستامىز. ەكى مەملەكەت اراسىنداعى جاعداي شيەلەسىنە تۇسسە، ٴبىزدى دە جاناپ وتەدى. ٴبىراق ٴبىز ەكى مەملەكەت اراسىنداعى ستراتەگيالىق سەرىكتەستىك قاتىناستى دامىتۋعا كەلىستىك. ٴبىز رەسەي، ۋكراينا، سولتۇستىك كورەيا، قىتاي، سيريا جانە باسقا تاقىرىپتا سويلەستىك. ول مەنىڭ پىكىرىمدى بىلگىسى كەلدى جانە «كوردىڭدەر مە، قازاقستان ەش مەملەكەتپەن جاۋلاسپايدى» دەدى»، - دەيدى ول.

كەزدەسۋ بارىسىندا ەكى ەل پرەزيدەنتى ٴىرى كومپانيالارمەن 7 ملن دوللاردىڭ 20 كەلىسىمشارتىن جاساستى.

«ودان كەيىن اقش-تىڭ ساۋدا ٴمينيسترى كەلدى. ول وزىمەن بىرگە كاسىپكەرلەردى الا كەلدى. ٴبىز قازاقستاندىقتاردىڭ وقۋى، ٴبىلىم الۋى جانە باسقا دا ماقساتتارى ورىندالۋى ٴۇشىن اقش-قا 10 جىلدىق ۆيزاعا كەلىستىك. وزدەرىڭىز كورىپ وتىرعانداي، كەزدەسۋ بارىسى قازاقستان ٴۇشىن پايدالى بولدى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي