BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نازاربايەۆ اقش پەن قىتاي اراسىنداعى ساۋدا سوعىسى دامۋشى ەلدەرگە قالاي اسەر ەتەتىنىن ايتتى

فوتو: Бауыржан Жуасбаев

استانا، baq.kz ٴتىلشىسى. بۇگىن قازاقستان پرەزيدەنتى نۇرسۇلتان نازاربايەۆ ەلوردادا ٴوتىپ جاتقان «استانا كلۋبىنىڭ» ٴتورتىنشى وتىرىسىنا قاتىستى.

«الەمدەگى قاراما-قايشىلىقتاردىڭ كۇشەيۋى عالامدىق قاۋىپسىزدىكتى دامىتۋ ينستيتۋتتارىنىڭ تيىمدىلىگىندە سۇراق تۋدىرادى. بۇگىنگى كۇننىڭ ماڭىزدى ترەندى - ەكىنشى دۇنيەجۇزىلىك سوعىستان كەيىنگى ستراتەگيالىق تۇراقتىلىقتىڭ نەگىزدەرىن بۇزۋ. الەمدىك دەرجاۆالار قارۋلانۋعا كوشۋى مۇمكىن. مەنىڭ ويىمشا، ادامزات بالالارىنىڭ بولاشاعى مەن قازىرگى كەزەڭگە الاڭداپ وتىر»، - دەدى نۇرسۇلتان نازاربايەۆ.

ەلباسىنىڭ ايتۋىنشا، ٴقازىر الەمدە ەكونوميكالىق قاراما-قايشىلىقتار كوپشىلىك اشىق تۇردە «ساۋدا سوعىستارى» دەپ اتاپ كەتكەن فازاعا دەيىن ۋشىقتى.

«سولاردىڭ ٴبىرى اقش پەن قىتاي اراسىندا ورىن الىپ وتىر. ولارعا بۇكىل ەكونوميكانىڭ ۇشتەن ٴبىرى، عالامدىق ەكسپورتتىڭ 20 پايىزى جانە تىكەلەي ينۆەستيسيالاردىڭ ۇشتەن بىرىنەن استامى تيەسىلى. بۇل جالپى الەم ەكونوميكاسى ٴوسىمىنىڭ تومەندەۋىنە اكەلەدى. وسىنىڭ سالدارىنان اسىرەسە دامۋشى ەلدەردە جاعداي ناشارلايدى. كەدەيلىك تەرەڭدەپ، جۇمىسسىزدىق كوبەيە بەرەدى. بۇنىڭ بارلىعى تەرروريزم، كوشى-قون مەن سەپاراتيزمنىڭ دامۋىنا ۇتىمدى جاعداي جاسايدى. اۋعانستاندا دا سولاي باستالعان. سوڭعى كەزدە بىزدە بار ەسىرتكى قىلمىستارى، تەرروريزم مەن ەكسترەميزم - سول ەلدە (اۋعانستان-اۆت.) 1979 جىلدان بەرى بولىپ جاتقان سوعىستىڭ ناتيجەسى»، - دەدى نۇرسۇلتان نازاربايەۆ.

بۇعان دەيىن ەلباسى رەسەي، اقش پەن قىتاي اراسىنداعى باسەكەلەستىكتى باسقارۋ دەڭگەيى تومەندەپ كەلەتىنىن ايتقان ەدى.

سونداي-اق، قازاقستاندىق ساراپشى اقش پەن قىتاي اراسىنداعى ساۋدا سوعىسى اسكەري-ساياسي شيەلەنىسكە اكەلۋى مۇمكىن دەگەن پىكىر بىلدىرگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي