BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەت باسشىسى: قازاقستاندا ٴتۋريزمدى دامىتاتىن 10 نىسان تاڭدالدى

فوتو: funon.cc

استانا، baq.kz ٴتىلشىسى. ەلباسى باق وكىلدەرىمەن وتكەن كەزدەسۋ بارىسىندا قازاقستان ٴتۋريزمى تۋرالى ٴسوز قوزعاپ، ٴبىرقاتار تۋريستىك نىساننىڭ ينفراقۇرىلىمى قولعا الىناتىنىن ايتتى.

«تۋريزم – ەكونوميكانىڭ ۇلكەن سالاسى. دۇنيە ٴجۇزى ەكونومكانسىنىڭ 10 پروسەنتى تۋريزمدە جاتىر. بىزدە بۇل سالا اسا دامىماعان، ٴبىراق قولعا الىپ جاتىرمىز. بيىل ٴوزىم ٴبارى كورسىن، ٴبىلسىن دەپ الاكولگە باردىم. ادام كەرەمەت كوپ. سالىنىپ جاتقان ٴتورتجۇلدىزدى، بەسجۇلدىزدى قوناقۇيلەر بار. تۋريزم دامۋ ٴۇشىن ەڭ الدىمەن جول ماسەلەسى شەشىلۋى كەرەك. ٴقازىر جول پايدا بولدى. الماتىدان الاكولگە دەيىن الدىقورعان ارقىلى اۆتوجول، تەمىرجول بار. سول ارقىلى حالىق دەمالۋعا كەلىپ جاتىر. بالقاش كولى قازاقستاننىڭ ٴدال ورتاسىندا بولعانمەن، ينفراقۇرىلىمى دامىماعان. ول جاققا دا قواق ٴۇي سالىندى. الماتىدا تاۋ ٴتۋريزمى دامۋدا. كوكشەتاۋدا قوناق ۇيدەن بولەك كوتتەدجدەر سالىنىپ جاتىر. سولتۇستىك قازاقستاندا شالقار، يمانتاۋ كولدەرى بار»، - دەيدى مەملەكەت باسشىسى.

ازىرگە يگەرۋگە قاراجات جەتپەيدى.

«بۇل جەرلەر تۋريستىك نىسان رەتىندە قارالعان جوق، سەبەبى جولدار بولعان جوق. ٴقازىر استانادان بارلىق وبلىسقا جولدار سالىنىپ جاتىر. ەندى بۋراباي، الماتى، اقتاۋ، كاسپيي جاعالاۋى، وڭتۇستىك قازاقستان، باياناۋىل جاقتان ون نىساندى تاڭداپ الدىق، سولاردى وركەندەتەمىز»، - دەدى ەلباسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي