BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مەملەكەت باسشىسى atameken business city كورمە كەشەنىنە باردى

قازاقستان پرەزيدەنتى كورمە كەشەنىنە بارىپ، ونىڭ جۇمىسىمەن تانىستى. كورمە كەشەنىندە «وpen space» فورماتىندا كاسىپكەرلەرگە قىزمەت كورسەتۋ ورتالىعى، بيزنەس-فورۋمدار مەن كەزدەسۋلەر وتكىزۋگە ارنالعان الاڭ، سونداي-اق جاس كاسىپكەرلەرگە يدەيالارىنىڭ پايدا بولۋىنان كوممەرسيالانۋىنا دەيىن قولداۋ كورسەتەتىن بيزنەس-ينكۋباتور جۇمىس ىستەيدى، دەپ حابارلايدى baq.kz اقپارات اگەنتتىگى اقوردانىڭ رەسمي سايتىنا سىلتەمە جاساپ.

اماندىق باتالوۆ نۇرسۇلتان نازاربايەۆقا «سيفرلىق قازاقستان»، «رۋحاني جاڭعىرۋ» باعدارلامالارى مەن «پرەزيدەنتتىڭ بەس الەۋمەتتىك باستاماسىنىڭ» الماتى وبلىسىندا جۇزەگە اسىرىلۋ بارىسى جونىندە باياندادى.

ەلباسى بيزنەس قوعامداستىعى وكىلدەرىمەن كەزدەسۋ بارىسىندا تاۋەلسىزدىگىمىزدىڭ 26 جىلى ىشىندە قازاقستاندا شاعىن جانە ورتا بيزنەستى ٴتيىمدى دامىتۋ ٴۇشىن قاجەتتى جاعداي جاسالعانىن اتاپ ٴوتتى.

– «بەس الەۋمەتتىك باستاما» دا بيزنەستى دامىتۋ ٴۇشىن مۇمكىندىك بەرەدى. تۇرعىن ٴۇي قۇرىلىسى جانە وسى سالامەن بايلانىستى شىنى، كىرپىش، سونداي-اق باسقا دا قۇرىلىس ماتەريالدارىن ٴوندىرۋ ٴىسى بيزنەس جۇرگىزۋدىڭ رەسۋرستارى سانالادى. جول، مەكتەپ، اۋرۋحانا، ينفراقۇرىلىم سالۋدىڭ ٴبارى دە – بيزنەس. كاسىپكەرلەر وسى مۇمكىندىكتەردى پايدالانۋى كەرەك، – دەدى مەملەكەت باسشىسى.

قازاقستان پرەزيدەنتى الماتى وبلىسىنىڭ ارتىقشىلىقتارىنا توقتالىپ، تۋريستىك كلاستەردى دامىتۋ ٴۇشىن ونىڭ تابيعي-كليماتتىق جاعدايى قولايلى ٴارى گەوگرافيالىق تۇرعىدان ۇتىمدى ورنالاسقانىن جانە الەۋەتىنىڭ زور ەكەنىن اتاپ ٴوتتى.

– سىزدەردى الاكولدە جۇمىس ىستەۋگە شاقىرامىن. مەن كەشە سول جەردە بولدىم. وندا جاقسى مۇمكىندىكتەر بار. بۇرىن ول جەردە 400 مىڭ ادام دەمالسا، وتكەن جىلى دەمالۋشىلار سانى ەكى ەسە وسكەن. ال، بيىل ولاردىڭ سانى ميلليوننان اسادى دەپ كۇتىلۋدە. جول دا، ينفراقۇرىلىم دا بار. تەك قۇرىلىس جۇرگىزۋ كەرەك. الاكولدە ٴقازىردىڭ وزىندە بەس جۇلدىزدى قوناق ۇيلەر مەن جاقسى تۋريستىك كەشەندەر سالىنىپ جاتىر. مۇندا بارلىق قازاقستاندىقتار دەمالۋعا كەلەتىندەي كەرەمەت جاعداي جاساۋعا بولادى، – دەدى مەملەكەت باسشىسى.

كەزدەسۋ سوڭىندا قازاقستان پرەزيدەنتى الماتى وبلىسىندا، ەڭ الدىمەن، ٴداستۇرلى تۇردە وسىرىلگەن اۋىل شارۋاشىلىعى داقىلدارىن ٴوسىرۋ ٴىسىن دامىتۋدى تاپسىردى.

– بۇگىندە جاڭا قانت زاۋىتتارى ىسكە قوسىلىپ، قانت ٴوندىرىسى ارتا ٴتۇستى. ٴقازىردىڭ وزىندە 60 مىڭ توننا قانت ٴوندىرىلدى، ونى كوبەيتۋ ٴۇشىن مۇمكىندىك بار. ٴقازىر ٴۇشارال اۋدانىندا سويا، ارپا وسىرىلۋدە. جارما زاۋىتى جانە الماتى اپورتىن وندىرىستىك اۋقىمدا وسىرۋمەن اينالىساتىن جەمىس شارۋاشىلىعى بار، – دەدى نۇرسۇلتان نازاربايەۆ.

مەملەكەت باسشىسى سالتانات سارايىنىڭ جاڭا عيماراتىنا بارىپ، ونىڭ جۇمىسىمەن تانىستى. سونداي-اق، ەلباسىعا الەۋمەتتىك-مادەني ماقساتتاعى نىسانداردىڭ، سونىڭ ىشىندە 570 ادامعا لايىقتالعان باسسەيننىڭ، جابىق جەڭىل اتلەتيكا مانەجىنىڭ، دەنە شىنىقتىرۋ جانە ساۋىقتىرۋ كەشەنىنىڭ، مۋزىكالىق جانە جالپى ٴبىلىم بەرۋ مەكتەپتەرى مەن دراما تەاترىنىڭ قۇرىلىسى جونىندە باياندالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي