BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كورشى ەلدەر اراسىندا سەنىم ارتتى، ساۋدا كولەمى كوبەيدى - نازاربايەۆ

فوتو: Бауыржан Жуасбаев

استانا، baq.kz ٴتىلشىسى. اقوردادا قازاقستان پرەزيدەنتى نۇرسۇلتان نازاربايەۆ ەلىمىزدە تىركەلگەن شەتەلدىك ديپلوماتيالىق كورپۋس وكىلدەرىمەن كەزدەستى.

«بيىلعى جىلدىڭ ناۋرىز ايىندا استانادا وتكەن ورتالىق ازيا مەملەكەتتەرى باسشىلارىنىڭ ٴبىرىنشى كونسۋلتاتيۆتىك كەزدەسۋىنەن كەيىن ٴوڭىرارالىق ىقپالداستىق ەداۋىر جانداندى. ايماقتاعى ەلدەردىڭ بارلىق پرەزيدەنتتەرى قىسقا مەرزىم ىشىندە ٴوزارا ساپارلار الماسىپ، كەزدەسۋلەر وتكىزدى. قازىرگى تاڭدا مەملەكەتتەر اراسىندا ەكىجاقتى ساۋدا ىسىنە قاتىستى كەدەرگىلەردىڭ ٴبارى جويىلدى. وزبەكستان مەملەكەتى كەيىنگى كەزدە ٴوز كورشىلەرىمەن كوپتەن بەرى رەتتەلمەي كەلگەن شەكارا ماسەلەسىن شەشتى. شيەلەنىسىپ كەتكەن جاعداي تاجىكستانمەن بولعان. ول ماسەلە شەشىلدى. قىرعىزستانمەن اراداعى ماسەلە دە شەشىمىن تاپتى. ولاردىڭ رەتتەلمەي كەلە جاتقان شەكارا ماسەلەسى دە شەشىلىپ، قارىم-قاتىناس جاندانىپ، جالپى ٴبىزدىڭ ورتالىق ازياداعى ٴال-احۋال تۇزەلىپ، ساۋدا-ساتتىق جىلدان-جىلعا ٴوسىپ كەلەدى. كورشى ەلدەر اراسىندا سەنىم ارتتى، ساۋدا كولەمى كوبەيدى. قارىم-قاتىناستىڭ بارلىعى جاقساردى دەپ ايتۋعا بولادى. كولىك قاتىناسى وڭتايلانىپ، جاڭا اۋە، تەمىر جول باعىتتارى اشىلدى. جۇيەلى تۇردە بيزنەس جانە ٴوڭىرارالىق فورۋمدار وتكىزىلىپ، بىرىككەن ساۋدا ۇيلەرى مەن جاڭا ٴوندىرىس ورىندارى ىسكە قوسىلۋدا. ٴبىر جىلدىڭ ىشىندە عانا قازاقستان مەن وزبەكستان اراسىنداعى ساۋدا اۋقىمى 2 ەسە كوبەيىپ، 3 ملرد دوللارعا جەتتى. جاقىن ارادا 5 ملرد دوللارعا جەتكىزەمىز دەگەن ماقسات قويىپ وتىرمىز»، - دەدى نازاربايەۆ جيىندا.

ەلباسى ورتالىق ازيا ەلدەرى اراسىندا شەكارا ماسەلەسىنە قاتىستى جۇمىستار بەلسەندى جۇرگىزىلگەنىن ايتتى. اتاپ ايتقاندا، وتكەن جىلى قازاقستان تۇرىكمەنستانمەن، قىرعىزستانمەن مەملەكەتتىك شەكارانى دەماركاسيالاۋ جونىندەگى كەلىسىمگە قول قويىپ، وسى ەلدەرمەن اراداعى شەكارانى راسىمدەۋ جۇمىستارىن تۇگەلدەي اياقتايتىن بولادى. سونىمەن، قازاقستاننىڭ توڭىرەگىندەگى بارلىق شەكارالار قۇقىقتىق جونىنەن ٴوز شەشىمىن تاۋىپ وتىر. سونداي-اق، 2017 جىلى قازاقستان، تۇرىكمەنستان، وزبەكستان شەكارالارىنىڭ ٴتۇيىسۋ نۇكتەسى جونىندەگى دە شارت جاسالدى.

«جاقىندا ٴبىز قۇجاتتى راتيفيكاسيالادىق. بۇعان قوسا، استاناداعى جيىننىڭ قورىتىندىسى بويىنشا ورتالىق ازيا مەملەكەتتەرى باسشىلارىنىڭ كەزدەسۋىن تۇراقتى تۇردە وتكىزۋ تۋرالى شەشىم قابىلداندى. ەندىگى جىلى ٴساۋىر ايىندا بۇل كەزدەسۋ تاشكەنتتە وتەدى. سودان كەيىن جىل سايىن كەزدەسۋ بولىپ تۇرادى دەپ كەلىستىك»، - دەدى نۇرسۇلتان نازاربايەۆ.

بۇعان دەيىن نۇرسۇلتان نازاربايەۆتىڭ ەلىمىزدە تىركەلگەن شەتەلدىك ديپلوماتيالىق وكىلدىك باسشىلارىمەن كەزدەسكەنى تۋرالى جازعانبىز. جيىن بارىسىندا نازاربايەۆ قازاقستان ەۋرازيالىق كولىك-ترانزيت حابىنىڭ نەگىزگى تورابى سانالاتىنىن ايتقان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي