BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىتايدان ەشقانداي ٴقاۋىپ جوق – نازاربايەۆ

فوتو: ixbt.com

استانا، baq.kz ٴتىلشىسى. قازاقستان پرەزيدەنتى نۇرسۇلتان نازاربايەۆ باق وكىلدەرىنە بەرگەن سۇحباتىندا قىتاي مەن قازاقستاننىڭ قارىم-قاتىناسى جايلى ايتىپ بەردى.

«قىتاي مەن قازاقستاننىڭ قازىرگى قارىم قاتىناسى جوعارى دەڭگەيدە. ودان قورقاتىن ەشتەڭە جوق. تاريح بىزدەن باستالعان جوق، بىزبەن اياقتالمايدى. مىڭ جىلدىق تاريحىمىز بار. سول كەزدە قانشا ادامدار، قانشا ۇلتتار قۇرىلىپ، جوعالىپ، ٴسىڭىپ كەتكەندەرى تولىپ جاتىر. قازاقتا ماقال بار عوي: «قارا قىتاي قاپتاسا، سارى ورىس ناعاشىڭداي بولادى» دەگەن. ونى ايتىپ جاتقاندار دۇرىس ەمەس. ەكى جاعىمەن دە بىردەي بولۋ كەرەك. مەن وسى جەردە سونى قاراپ وتىرماي، نە قاراپ وتىرمىن؟ ەشقانداي جاپپاي بىزگە كەلىپ جاتقانى، قاپتاپ جاتقانى، باسىپ جاتقانى جوق. ونىڭ بارلىعى زاڭمەن، كەلىسسوزبەن كەلىسىلگەن. ٴوندىرىس سالاتىن بولسا، مىسالى بىزدە جوق ماماندار – 500 ادام كەلەدى، ٴتىزىم بەرەمىز. زاۋىت بىتكەن سوڭ، 500 ادام قايتادى. ول كەلىسىلگەن ماسەلە، ٴبىر ادام دا قالمايدى. ال ەندى ەلدىڭ اراسىندا مىسالى 200 ملن استام قىتايلىق باسقا ەلدەردە تۇرادى، قاي قالاعا بارساڭ، چايناتاۋن بار. وزدەرى تۇرىپ جاتادى. ونداي بىزدە ەشتەڭە جوق قوي. بىرەن-ساران تۋىسقاندار بولاتىنىمىز بار، ۇيلەنەتىن شىعار، نە ىستەيسىڭ، ونداي بۇل ومىرلىك نارسە عوي»، - دەدى نازاربايەۆ.

ەلباسىنىڭ ايتۋىنشا، ٴقازىر قىتاي امەريكادان كەيىنگى ەكىنشى ورىنداعى وتە مىقتى وركەندەپ ٴوسىپ بارا جاتقان ەل. تەحنولوگيا مەن تەحنيكا جاعىنان بىرگە كەلە جاتىر. ەشكىمنەن كەم ەمەس.

«اقپاراتتىق تەحنولوگيانى الاتىن بولساق، جاساندى ينتەللەكت، كومپيۋتەرلىك تەحنولوگيالار – بارلىق جاعىنان قىتاي مەملەكەتى وزىپ كەتپەسە، بىردەي بوپ جاتىر. سوندىقتان، ولارعا جاساپ جاتقان قىسىمنىڭ بارلىعى – سونى ارى قاراي بولدىرماۋ ٴۇشىن، ٴبىر جاعىنان سەسكەنگەننەن جاساپ جاتىر. سول سەبەپتەن وسىنداي كورشى ەلمەن، 2 مىڭ شاقىرىمداي شەكارامىز بار ەلمەن قارىم-قاتىناس جاساماساق نە بولامىز؟ وزبەكستان، قىتاي، رەسەي سياقتى كورشىلەرمەن ساۋدا-ساتتىق جاسامايتىن امالىمىز جوق. ونى جاساماساق، ٴبىز مەملەكەت بولماي قالامىز. قايدا بارامىز ٴبىز؟ باتىسقا شىعاتىن جولىمىز رەسەي ارقىلى، شىعىسقا شىعايىق دەسەك – قىتاي ارقىلى. ولارمەن دوستىق قارىم-قاتىناس بولماسا، سەنىم بولماسا، قازاقستاننان وزىمەن ٴوزى جوق بولىپ كەتەدى. سوندىقتان، ٴبىز قولدان كەلگەنشە، سي سزينپين مىرزانىڭ «ٴبىر بەلدەۋ – ٴبىر جول» دەگەن جىبەك جولى دەگەن ماسەلەسىن ٴبىز قولداپ وتىرمىز. ٴبىزدىڭ «نۇرلى جول» سول جىبەك جولىنىڭ باتىسقا قاراي جالعاسى بولىپ سانالادى. سونىڭ ارقاسىندا بارلىق ينفراقۇرىلىمدى جاساپ جاتىرمىز»، - دەدى پرەزيدەنت.

مەملەكەت باسشىسى ٴوز سوزىندە ايتقان 60-قا جۋىق جاڭا ٴوندىرىس ورىندارىن قازاقستاندا سالۋ - جاي ەمەس ەكەنىن، بۇگىنگى زامانعا ساي ٴوندىرىس بولۋى كەرەك ەكەنىن ايتتى.

«ولاردىڭ ەسكىسىن ٴبىز الايىق دەپ وتىرعان جوقپىز. سودان كەيىن ٴبىزدىڭ جاستارىمىزدىڭ وقۋى، قارىم-قاتىناس قىتايمەن بولعاننان كەيىن قىتايدىڭ ٴتىلىن ٴبىلۋ كەرەك. اعىلشىن تىلىنەن كەيىن جاستارعا قىتايدىڭ ٴتىلىن ٴبىلۋ كەرەك. سودان كەيىن، اشىعىنان، شىنىمەن ايتقان كەزدە ەشقانداي ٴقاۋىپ جوق دەپ سانايمىن. كەرىسىنشە، ٴبىز جۇمىسىمىزدى كوبەيتۋىمىز كەرەك. ولار دا بىزگە قىتايعا كەلىپ، جۇمىس ىستەگەنگە قارسى بولىپ وتىرعان جوق. سوندىقتان، ٴبىز قارىم-قاتىناستى نىعايتامىز، كورشىلىك جاعدايىمىزدى ٴارى قاراي تۇزەي بەرەمىز. ينتەگراسيانى جۇرگىزە بەرەمىز»، - دەدى نۇرسۇلتان نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي