كىرىستەرىنەن ەشقانداي اۋدارىمدار جاسامايتىندار بار - نازاربايەۆ - پرەزيدەنت|01 قىركۇيەك 2018، 12:40
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كىرىستەرىنەن ەشقانداي اۋدارىمدار جاسامايتىندار بار - نازاربايەۆ

قر پرەزيدەنتى ٴوزىن-وزى جۇمىسپەن قامتىعانداردى تىركەۋدى جەڭىلدەتۋ ٴۇشىن ٴبىرىڭعاي جيىنتىق تولەمىن ەنگىزۋدى ۇسىندى، دەپ حابارلايدى baq.kz اقپارات اگەنتتىگى.

«ماڭىزدى ماسەلەلەردىڭ ٴبىرى ٴوزىن-وزى جۇمىسپەن قامتىعانداردى الەۋمەتتىك قامسىزداندىرۋ جۇيەسىنە تارتۋعا قاتىستى. كىرىستەرىنەن ەشقانداي اۋدارىمدار جاسامايتىن حالىقتىڭ بولىگى بار، سايكەسىنشە، ولار زەينەتاقى جۇيەسىمەن ٴارى الەۋمەتتىك قولداۋ شارالارىمەن تولىققاندى قامتىلماعان. وسىعان بايلانىستى قاجەتتى زاڭنامالىق وزگەرىستەر دايارلاندى. ٴوزىن-وزى جۇمىسپەن قامتىعانداردى تىركەۋدى جەڭىلدەتۋ ٴۇشىن ٴبىرىڭعاي جيىنتىق تولەمىن ەنگىزۋ ۇسىنىلادى. بۇل تولەم ٴوزىن-وزى جۇمىسپەن قامتىعاندارعا مەديسينالىق، الەۋمەتتىك ساقتاندىرۋ، سونداي-اق زەينەتاقىلىق قامتاماسىز ەتۋ جۇيەلەرىنە قاتىسۋعا مۇمكىندىك بەرەدى. وسى وزگەرىستەردى بيىلعى جىلدىڭ سوڭىنا دەيىن قابىلداۋ قاجەت»، - دەدى پرەزيدەنت.

وسى ورايدا مەملەكەت باسشىسى بۇل ماسەلە مىندەتتى الەۋمەتتىك مەديسينالىق ساقتاندىرۋعا كوشۋ تۇرعىسىندا ايرىقشا وزەكتى ەكەنىن اتاپ ٴوتتى.

بۇدان بولەك پرەزيدەنت مەديسينالىق كومەكتىڭ كەپىلدەندىرىلگەن كولەمىنىڭ جاڭا مودەلىن ەنگىزۋدى، قوعامدىق دەنساۋلىقتى قورعاۋ مەن مەديسينالىق ۇيىمداردا كورپوراتيۆتىك باسقارۋ جۇيەسىن جەتىلدىرۋدى قاراستىراتىن زاڭ جوباسى ازىرلەنگەنىن ەسكە سالىپ ٴوتتى.

«بۇل قۇجات پارلامەنت قاراۋىنا ەنگىزىلگەن بولاتىن. بۇل رەتتە ونى قاراستىرۋدى ۇزاققا سوزباۋدى سۇرايمىن»،- دەدى ن. نازاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي