BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقستاننىڭ ەڭبەك ەرى» يەگەرلەرى ماراپاتتالدى

فوتو: Бауыржан Жуасбаев

استانا، baq.kz ٴتىلشىسى. بۇگىن اقوردادا قر پرەزيدەنتى نۇرسۇلتان نازاربايەۆ مەملەكەتتىك ناگرادالاردى تابىستادى.

جوعارى دارەجەلى ەرەكشەلىك بەلگىسى – «قازاقستاننىڭ ەڭبەك ەرى» اتاعى، ايرىقشا ەرەكشەلىك بەلگىسىمەن «اقتوبە قالاسى سال اۋرۋىنا شالدىققان ازاماتتاردى قولداۋ ورتالىعى» قوعامدىق بىرلەستىگىنىڭ ٴتورايىمى قۇرالاي بايمەنوۆا، جامبىل وبلىسى تۇرار رىسقۇلوۆ اۋدانى «شاۋشەن» شارۋا قوجالىعىنىڭ باسشىسى سايرامباي دونەنبايەۆ جانە شىمكەنت قالاسىنداعى «ا.س.پۋشكين اتىنداعى №1 مەكتەپ-گيمنازياسى» كمم ٴمۇعالىمى الينا سولوۆەۆا ماراپاتتالدى. ولارعا «التىن جۇلدىز» بەن «وتان» وردەنى تاپسىرىلدى.

«بيىل «قازاقستاننىڭ ەڭبەك ەرى» دەگەن ەڭ جوعارعى اتاعى بايمەنوۆا قۇرالاي بازاربايقىزىنا بەرىلدى. تاعدىر تاۋقىمەتىن تارتقان قايسار قىز ٴبارىن جەڭىپ ٴوز باسىنداعى ونەگەلى ومىرىمەنەن ەلگە ۇلگى بولدى. ٴوزىنىڭ مۇگەدەكتىگىنە قاراماي، جۇمىس ىستەپ، كونبەي، بۇگىندە ول كوپتەگەن جوبالاردى قولعا الىپ مۇمكىندىگى شەكتەۋلى جاندارعا ۇنەمى قولداۋ كورسەتىپ كەلەدى. مەن ٴوزىم بارىپ كوردىم. ىستەگەن جۇمىستارىنىڭ بارلىعىنا تاڭقالۋعا بولادى»، - دەدى مەملەكەت باسشىسى.

سونداي-اق، قر پرەزيدەنتى بۇل اتاقتى ۇستاز الينا سولوۆەۆاعا دا تابىس ەتتى.

«قۇرمەتكە لايىق ۇستاز. ٴوز ايماعىنىڭ ٴبىلىم بەرۋ جۇيەسىن دامىتۋدا ۇلكەن جۇمىس اتقارعان، نوۆاتور دەسەك تە بولادى. كرەاتيۆتى، شىعارماشىل پەداگوگ وقىتۋ-تاربيەلەۋ پروسەسىنە الەمنىڭ ۇزدىك پراكتيكالارى مەن جاڭا تەحنولوگيالاردى بەلسەندى تۇۇردە ەنگىزەدى. جۇلدەلەر مەن الەمنىڭ ۇزدىك ۋنيۆەرسيتەتتەرىنىڭ ستەپەندياسىن جەڭىپ العان ونداعان تالانتتى بالانى تاربيەلەدى»، - دەدى نۇرسۇلتان نازاربايەۆ.

«قازاقستاننىڭ ەڭبەك ەرى» اتاعىنا يە بولعان سايرامباي دونەنبايەۆ بۇگىندە ٴىرى شارۋا قوجالىعىن قۇرىپ، اۋىلدى وركەندەتۋگە ەلەۋلى ۇلەسىن قوسىپ كەلە جاتقانىن ايتتى.

«جاڭا جۇمىس ورىندارىن اشىپ، تۋعان ەلىنە ادال قىزمەت ەتۋدىڭ ۇزدىك ونەگەسىن تانىتىپ وتىر. ول اۋىلدا بولدىم، كوردىم. ٴوندىرىستى وركەندەتۋمەن قاتار ٴوز قاراجاتىن اۋىلدىڭ الەۋمەتتىك جاعدايىنا مولىنان سالۋدا»، - دەدى مەملەكەت باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي