BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

گەرمانيا، تۇركيا، يران ەلدەرى قازاقستاندىقتاردى تاۋەلسىزدىك كۇنىمەن قۇتتىقتادى

استانا، baq.kz. مەملەكەت باسشىسىنىڭ اتىنا ۇلتتىق مەرەكەمىز – قازاقستان رەسپۋبليكاسىنىڭ تاۋەلسىزدىك كۇنىنە وراي حاتتار مەن جەدەلحاتتار كەلىپ ٴتۇستى، دەپ مالىمدەدى اقوردانىڭ ٴباسپاسوز قىزمەتى.

نۇرسۇلتان نازاربايەۆتىڭ اتىنا قازاقستان رەسپۋبليكاسىنىڭ تاۋەلسىزدىك كۇنىنە وراي شەت مەملەكەتتەر مەن ۇكىمەتتەر باسشىلارىنان قۇتتىقتاۋ جەدەلحاتتارى مەن حاتتار كەلىپ تۇسۋدە.

گەرمانيا فەدەراتيۆتىك رەسپۋبليكاسىنىڭ پرەزيدەنتى فرانك-ۆالتەر شتاينمايەر مەملەكەت باسشىسىن قۇتتىقتاپ، زور دەنساۋلىق پەن اماندىق، ال قازاقستان حالقىنا – بەيبىت ٴومىر مەن جارقىن بولاشاق تىلەدى.

«ۇزاق جىلدار بويى قازاقستان مەن گەرمانيانى سەنىمدى ىنتىماقتاستىق بايلانىستىرىپ كەلەدى. سىزدەردىڭ ەلدەرىڭىز وڭىردە ماڭىزدى ٴرول اتقارادى جانە گەرمانيانىڭ ورتالىق ازياداعى ٴىرى ساۋدا سەرىكتەسى بولىپ سانالادى. قازاقستاننىڭ وسى جىلدىڭ باسىندا بۇۇ-نىڭ قاۋىپسىزدىك كەڭەسىنە ٴتوراعالىق ەتۋى ەلدەرىڭىزدىڭ حالىقارالىق دەڭگەيدە دە وزىنە جاۋاپكەرشىلىك الۋعا دايىن ەكەنىن تاعى دا دالەلدەدى»، – دەلىنگەن جەدەلحاتتا.

تۇركيا رەسپۋبليكاسىنىڭ پرەزيدەنتى رەجەپ تاييپ ەردوعان جولداعان حاتىندا نۇرسۇلتان نازاربايەۆتىڭ تاۋەلسىز قازاقستان تاريحىنداعى ٴرولىن ايرىقشا اتاپ وتكەن.

«ٴبىز قازاقستاننىڭ ەگەمەندىك العان ساتتەن باستاپ حالىقارالىق ارەنادا قول جەتكىزگەن تابىستارىنا، سونداي-اق ەلدەرىڭىزدىڭ دامۋى مەن وركەندەۋىنىڭ ناتيجەلەرىنە قۋانامىز ٴارى ماقتان تۇتامىز. بۇل جەتىستىكتەر تۇركى الەمىنىڭ اقىلمانى سانالاتىن ٴوزىڭىزدىڭ سىندارلى ساياساتىڭىزدىڭ ناتيجەسى ەكەنى ٴسوزسىز. ٴسىز جاھاندا بەيبىتشىلىك پەن تۇراقتىلىق ورناتۋ ىسىنە ۇلەس قوسا بەرەتىنىڭىزگە، قازاقستاننىڭ حالىقارالىق بەدەلى ودان ٴارى ارتا تۇسەتىنىنە سەنىمدىمىن»، – دەلىنگەن تۇركيا رەسپۋبليكاسى پرەزيدەنتىنىڭ جەدەلحاتىندا.

يران يسلام رەسپۋبليكاسىنىڭ پرەزيدەنتى حاسان رۋحاني قۇتتىقتاۋ حاتىندا مەملەكەتتەرىمىزدىڭ يگىلىگى جولىندا ەكى جاقتى قارىم-قاتىناستاردى ودان ٴارى نىعايتۋعا نيەتتى ەكەنىن ٴبىلدىردى.

«ٴسىزدى جانە قازاقستان رەسپۋبليكاسىنىڭ حالقىن تاۋەلسىزدىكتىڭ 27 جىلدىعىمەن شىن جۇرەكتەن قۇتتىقتايمىن. ەكى حالىقتىڭ يگىلىگى جولىنداعى ٴوزارا ىنتىماقتاستىعىمىز تەرەڭدەي تۇسەدى دەپ ويلايمىن»، – دەلىنگەن جەدەلحاتتا.

بەلارۋس رەسپۋبليكاسىنىڭ پرەزيدەنتى الەكساندر لۋكاشەنكو نۇرسۇلتان نازاربايەۆتى تاۋەلسىزدىك كۇنىمەن قۇتتىقتاپ، جاۋاپتى مەملەكەتتىك قىزمەتىنە جاڭا تابىس، ال قازاقستان ازاماتتارىنا – بەيبىت ٴومىر مەن باقىت تىلەدى.

«ەلدەرىڭىز ەكونوميكادا، الەۋمەتتىك جانە ساياسي تۇراقتىلىقتى قامتاماسىز ەتۋ جولىندا ايتارلىقتاي ناتيجەلەرگە قول جەتكىزدى. قازاقستان ەۋرازيا كەڭىستىگىندەگى قاۋىپسىزدىكتى نىعايتۋ، قاقتىعىستاردى شەشۋدىڭ ٴتيىمدى تەتىكتەرىن ازىرلەپ، ونى جۇزەگە اسىرۋ ىسىنە زور ۇلەس قوسىپ كەلەدى.

بەلارۋس پەن قازاقستان اراسىنداعى ٴوزارا سەنىم مەن تابىستى ىنتىماقتاستىققا نەگىزدەلگەن ستراتەگيالىق قارىم-قاتىناستار حالىقتارىمىزدىڭ يگىلىگى جولىندا ودان ٴارى بەلسەندى دامي بەرەتىنىنە سەنىمدىمىن»، – دەلىنگەن جەدەلحاتتا.

وزبەكستان رەسپۋبليكاسىنىڭ پرەزيدەنتى شاۆكات ميرزييوەۆ جەكە ٴوزىنىڭ جانە وزبەكستان حالقىنىڭ اتىنان نۇرسۇلتان نازاربايەۆتى جانە بارشا قازاقستاندىقتاردى تاۋەلسىزدىك كۇنىمەن قۇتتىقتادى.

«قازاقستان زاماناۋي، باسەكەگە قابىلەتتى ٴارى قارقىندى دامىپ كەلە جاتقان مەملەكەت رەتىندە ەكونوميكالىق، تەحنولوگيالىق، الەۋمەتتىك جانە مادەني-گۋمانيتارلىق سالالارداعى زور جەتىستىكتەرىمەن الەمدىك قوعامداستىقتا لايىقتى ورىن الىپ وتىر.

ٴبىز ٴسىزدى حالىقارالىق دەڭگەيدە مويىندالعان مەملەكەت قايراتكەرى، ىسكەر ٴارى تالانتتى رەفورماتور، قازاقستان حالقىنىڭ كوشباسشىسى رەتىندە قۇرمەتتەيمىز»، – دەلىنگەن وزبەكستان رەسپۋبليكاسى پرەزيدەنتىنىڭ جەدەلحاتىندا.

تاجىكستان رەسپۋبليكاسىنىڭ پرەزيدەنتى ەمومالي راحموننىڭ حاتىندا ەكى ەل اراسىنداعى كوپ جاقتى ستراتەگيالىق ٴوزارا ىقپالداستىقتىڭ قازىرگى دەڭگەيىنە جوعارى باعا بەرىلەدى.

«سىزدەردىڭ ەلدەرىڭىزگە جاساعان رەسمي ساپارىم بارىسىندا قول قويىلعان قۇجاتتار جانە ولاردى ىسكە اسىرۋ جونىندەگى بىرلەسكەن كۇش-جىگەرىمىز ەلدەرىمىز بەن حالىقتارىمىزدىڭ مۇددەلەرىنە ساي كەلەدى. بۇل تاجىكستان مەن قازاقستاننىڭ ٴوزارا ٴتيىمدى ىنتىماقتاستىعىنا تىڭ سەرپىن بەرەدى دەپ سەنەمىن»، – دەلىنگەن جەدەلحاتتا.

قىرعىز رەسپۋبليكاسىنىڭ پرەزيدەنتى سوورانباي جەەنبەكوۆ جەكە ٴوزىنىڭ جانە قىرعىزستان حالقىنىڭ اتىنان نۇرسۇلتان نازاربايەۆتى تاۋەلسىزدىك كۇنىمەن قۇتتىقتادى.

«تاۋەلسىزدىك جىلدارى ىشىندە قازاقستان ٴسىزدىڭ باسشىلىعىڭىزبەن زور جەتىستىكتەرگە جەتتى. ٴوزىڭىز باستاماشى بولعان اۋقىمدى مەملەكەتتىك رەفورمالار ەلدىڭ الەۋمەتتىك-ەكونوميكالىق وسىمىنە، حالىقتىڭ ٴال-اۋقاتىن ارتتىرۋعا جانە قازاقستاننىڭ حالىقارالىق ارەناداعى بەدەلىن نىعايتۋعا سەپتىگىن تيگىزدى»، – دەلىنگەن جەدەلحاتتا.

ارمەنيا رەسپۋبليكاسىنىڭ پرەزيدەنتى ارمەن ساركيسيان ٴوزىنىڭ حاتىندا ەكى مەملەكەت اراسىنداعى ٴوزارا ٴتيىمدى ىنتىماقتاستىقتى ودان ٴارى دامىتۋدىڭ جانە نىعايتۋدىڭ ماڭىزدىلىعىنا توقتالدى.

«ٴبىز بىرلەسە كۇش جۇمىلدىرۋدىڭ ارقاسىندا ەلدەرىمىزدىڭ مەملەكەتارالىق ٴىس-قيمىلىنىڭ تيىمدىلىگىن ارتتىرۋعا، ساۋدا-ەكونوميكالىق جانە مادەني-گۋمانيتارلىق بايلانىستاردى نىعايتۋعا، ارمەنيا مەن قازاقستان اراسىنداعى كوپ جاقتى ىنتىماقتاستىقتىڭ الەۋەتىن تولىق پايدالانۋعا جول اشامىز دەپ ويلايمىن»، – دەلىنگەن ارمەن ساركيسياننىڭ حاتىندا.

بىرىككەن اراب امىرلىكتەرىنىڭ پرەزيدەنتى حاليفا بەن زايد ٴال ناھايان، بىرىككەن اراب امىرلىكتەرىنىڭ ۆيسە-پرەزيدەنتى، پرەمەر-مينيسترى، دۋباي امىرلىگىنىڭ بيلەۋشىسى شەيح مۇحاممەد بەن راشيد ٴال ماكتۋم، ٴابۋ-دابيدىڭ تاق مۇراگەرى، بىرىككەن اراب امىرلىكتەرى قارۋلى كۇشتەرىنىڭ جوعارعى باس قولباسشىسىنىڭ ورىنباسارى شەيح مۇحاممەد بەن زايد ٴال ناھايان ٴوز جەدەلحاتتارىندا مەملەكەت باسشىسىن تاۋەلسىزدىك كۇنىمەن قۇتتىقتاپ، بارشا قازاقستان حالقىنا باق-بەرەكە تىلەدى.

كورەيا رەسپۋبليكاسىنىڭ پرەزيدەنتى مۋن چجە ين نۇرسۇلتان نازاربايەۆتى جانە قازاقستان حالقىن ۇلتتىق مەرەكەمەن قۇتتىقتادى. كورەيا رەسپۋبليكاسىنىڭ پرەزيدەنتى ٴوزىنىڭ جەدەلحاتىندا: «قازان ايىندا وتكەن اسەم سامميتىندە ەلدەرىمىز اراسىنداعى قاتىناستاردى ودان ٴارى دامىتۋعا مۇددەلىلىك تانىتقانىمىزعا قۋانىشتىمىن»، – دەپ اتاپ وتكەن.

باحرەين كورولى حاماد بەن يسا ٴال-حاليفا ٴوزىنىڭ قۇتتىقتاۋ حاتىندا نۇرسۇلتان نازاربايەۆتىڭ دانا باسشىلىعىمەن قازاقستاننىڭ ودان ٴارى دامي بەرۋىنە نيەتتەستىك ٴبىلدىرىپ، ىستىق ىقىلاسىن جەتكىزەدى.

الجير حالىق دەموكراتيالىق رەسپۋبليكاسىنىڭ پرەزيدەنتى ابدەل ٴازيز بۋتەفليق ٴوزىنىڭ حاتىندا قازاقستان حالقىنا باق-بەرەكە تىلەپ، وسىپ-وركەندەي بەرۋىنە نيەتتەستىك ٴبىلدىردى.

موڭعوليا پرەزيدەنتى حالتمااگيين باتتۋلگا نۇرسۇلتان نازاربايەۆتى تاۋەلسىزدىك كۇنىمەن قۇتتىقتاي وتىرىپ، مەملەكەتارالىق بايلانىستاردى كەڭەيتۋگە جانە ٴوزارا قارىم-قاتىناستاردى تەرەڭدەتۋگە مۇددەلىلىك تانىتتى.

قازاقستان رەسپۋبليكاسىنىڭ تاۋەلسىزدىك كۇنىنە وراي ٴوز قۇتتىقتاۋلارىن مىسىر اراب رەسپۋبليكاسىنىڭ پرەزيدەنتى ابدەل فاتتاح اس-سيسي، سينگاپۋر رەسپۋبليكاسىنىڭ پرەزيدەنتى حاليما ياكوب، ٴۇندىستان رەسپۋبليكاسىنىڭ پرەزيدەنتى رام ناتح كوۆيند، سونداي-اق تايلاند كورولدىگىنىڭ پرەمەر-مينيسترى گەنارال پرايۋت چان-وچا جولدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي