BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى تەمىرجول دوڭعالاقتارىن وندىرەتىن كاسىپورىندى ىسكە قوستى

فوتو: Бауыржан Жуасбаев

استانا، baq.kz ٴتىلشىسى. مەملەكەت باسشىسى نۇرسۇلتان نازاربايەۆ «يندۋستريالاندىرۋدىڭ ەكىنشى بەسجىلدىعى: قازاقستاندا جاسالعان» تەلەكوپىرىندە ٴبىرقاتار يندۋستريالىق جوبانى ىسكە قوستى.

ولاردىڭ قاتارىندا ماشينا جاساۋ جانە قۇرىلىس يندۋسترياسى سالاسىنداعى جوبالار بار. اتاپ ايتساق، ەلباسى پاۆلودار وبلىسىنداعى «پرومماشكومپلەكت» تەمىرجول دوڭعالاقتارىن وندىرەتىن كاسىپورىندى ونلاين رەجيمدە ىسكە قوستى. ول تەمىرجول دوڭعالاقتارى ٴوندىرىسىن جىلىنا 75 مىڭنان 200 مىڭعا دەيىن ۇلعايتۋعا، 1 مىڭنان استام ادامدى جۇمىسپەن قامتۋعا مۇمكىندىك بەرەدى. ونىمدەردىڭ ۇشتەن ەكىسى سىرتقى نارىققا شىعارىلادى.

بۇعان قوسا، مەملەكەت باسشىسى شىمكەنتتەگى قۋاتى 110-220 كۆ ترانسفورماتور شىعاراتىن «asia trafo» زاۋىتىن اشتى. قىزىلوردا وبلىسىنداعى قۋاتى جىلىنا 1 ملن توننا بولاتىن «گەجۋبا شيەلى سەمەنت» قازاقستان-قىتاي ينۆەستيسيالىق جوباسىن دا ىسكە قوستى.

«بارشالارىڭىزدى قازاقستاننىڭ وسى جوبالارىمەن قۇتتىقتايمىن. تەمىرجول دوڭعالاقتارىنىڭ ٴوندىرىسى ٴبىزدىڭ يمپورتتىق پوزيسيامىز بولعان. قىزىلوردا سەمەنت زاۋىتى دا اسا ماڭىزى جوبا. جۇمىستارىڭىزعا ساتتىلىك تىلەيمىن. ىسكە قوسىڭىزدار»، - دەدى نازاربايەۆ استاناداعى ەكسپو كونگرەسس ورتالىعىندا.

سونداي-اق، تەلەكوپىر بارىسىندا قازاقستان پرەزيدەنتى «باقىرشىق تاۋ-كەن ٴوندىرۋ كاسىپورنى» مەن قاراعاندى وبلىسىنىڭ كاتودتى مىس وندىرەتىن «المالى» كەن ورنىنداعى قۇرىلىسى اياقتالعان جانە ٴوندىرىس قۋاتىنا شىعۋعا دايىن «sary-arka copper processing» كاسىپورىنىن ىسكە قوسۋعا پارمەن بەردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي