BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

ەلباسى: مەن استانانى ۆاشينگتون سياقتى شاعىن قالا ەتىپ سالعىم كەلگەن ەدى

فوتو: Ақорда

استانا، baq.kz ٴتىلشىسى. قازاقستان پرەزيدەنتى نۇرسۇلتان نازاربايەۆ باق وكىلدەرىنە بەرگەن سۇحباتىندا استانانىڭ وتكەنى، بۇگىنى مەن بولاشاعى جايلى ايتىپ بەردى.

«استانانىڭ بولاشاعى ٴالى الدا. ٴقازىر 1 ميلليون 200 مىڭ حالقى بار. 2030 جىلدارعا قاراي 2 ميلليون بولاتىن شىعار. مەن ۆاشينگتون سياقتى 5-8 قاباتتان تۇراتىن، تەك قانا شەنەۋنىكتەر تۇراتىن شاعىن قالا سالسام با دەپ ويلاپ ەدىم. ٴبىراق، كەڭ دالادا بيىكىرەك بولماسا كورىنبەي قالادى. سوندىقتان ساۋلەتشىلەر بيىك ەتىپ سالدى. ٴقازىر ابۋ-دابي پلازانى 230 مەتر ەتىپ سالدى. بۇل پوستكەڭەستىك كەڭىستىكتىكتەگى ەڭ بيىك عيمارات بولادى. قالعاندارى 2019 جىلى اياقتالسا، ەڭ ۇزىن مۇنارانىڭ قۇرىلىسى 2020 جىلى بىتەدى. سوندىقتان، ونىڭ قۇرىلىسىن ٴارى قاراي جۇرگىزۋ كەرەك»، - دەدى نۇرسۇلتان نازاربايەۆ.

ەلباسىنىڭ ايتۋىنشا، ٴقازىر قالادا ەلوردالىق تۇرعىن ٴۇشىن نە كەرەك بارلىعى بار.

«ەشقانداي پاريجگە دە، بەرلينگە دە بارۋدىڭ قاجەتى جوق. بارلىق كەرەك نارسە وسىندا بار. جۇمىس ىستەپ، اقشا تاۋىپ، ٴومىر ٴسۇرۋ كەرەك. استانامىزدى كوركەيتە بەرۋ كەرەك»، - دەدى مەملەكەت باسشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي