BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى قازاقستاندىقتاردى ەلىمىزدىڭ سايلاۋ جۇيەسىنىڭ 25 جىلدىعىمەن قۇتتىقتادى

استانا، baq.kz. قازاقستان رەسپۋبليكاسىنىڭ مەملەكەتتىك حاتشىسى گۇلشارا ٴابدىقالىقوۆا قازاقستانداعى سايلاۋ جۇيەسىنىڭ 25 جىلدىعىنا ارنالعان «سايلاۋداعى زاماناۋي تەحنولوگيالاردىڭ ٴرولى: ستاندارتتاردى جاقسارتۋ، قوعامدىق سەنىم» اتتى حالىقارالىق كونفەرەنسياعا قاتىستى، دەپ جازادى اقوردانىڭ ٴباسپاسوز قىزمەتى.

ٴىس-شاراعا ورتالىق سايلاۋ كوميسسياسى ٴتوراعاسى ب.يماشەۆ، جوعارعى سوت ٴتوراعاسى ج.اسانوۆ، استاناداعى ەقىۇ باعدارلامالار ٴوفيسىنىڭ باسشىسى د.سابو، پارلامەنت دەپۋتاتتارى، مەملەكەتتىك ورگانداردىڭ، دوستاستىق ەلدەرى پارلامەنتارالىق اسسامبلەياسىنىڭ وكىلدەرى، تۇركيا، كورەيا، ٴۇندىستان، لاتۆيا، ليتۆا، تمد ەلدەرى جانە باسقا دا مەملەكەتتەردىڭ سايلاۋ كوميسسيالارىنىڭ جەتەكشىلەرى، حالىقارالىق جانە قازاقستاندىق ساراپشىلار قاتىستى.

كونفەرەنسيادا قازاقستاننىڭ جانە وزگە دە ەلدەردىڭ جاھاندانۋ جاعدايىنداعى سايلاۋ جۇيەسىنىڭ وزەكتى ماسەلەلەرى تالقىلانىپ، زاماناۋي سايلاۋ تەحنولوگيالارىن قولدانۋ تاجىريبەلەرى قاراستىرىلدى، سونداي-اق سايلاۋ ۇدەرىسى سالاسىنداعى حالىقارالىق ىنتىماقتاستىقتىڭ جاڭا فورمالارى مەن تەتىكتەرى ۇسىنىلدى.

گۇلشارا ٴابدىقالىقوۆا كونفەرەنسياعا قاتىسۋشىلارعا مەملەكەت باسشىسى نۇرسۇلتان نازاربايەۆتىڭ قۇتتىقتاۋىن وقىپ بەردى. وندا:

«تاۋەلسىزدىك العان ساتتەن باستاپ ەلىمىز مەملەكەتتىك جانە ساياسي قۇرىلىمىن جەتىلدىرە وتىرىپ، جۇيەلى رەفورمالار جولىمەن كەلە جاتىر. قازاقستان سايلاۋ قۇقىعى مەن سايلاۋدى ۇيىمداستىرۋ ىسىندەگى حالىقارالىق جوعارى ستاندارتتاردى بەرىك ۇستانا وتىرىپ، وسى سالاداعى جاھاندىق ىنتىماقتاستىقتىڭ بەلسەندى جاقتاۋشىسى بولىپ سانالادى. بۇگىندە سايلاۋ ۇدەرىسىندە مەملەكەتتىك ورگانداردىڭ اشىقتىعى مەن ەسەپتىلىگىن، كاسىبي قۇزىرەتى مەن قوعامنىڭ ولارعا دەگەن سەنىمىن ارتتىرۋعا ىقپال ەتەتىن جاڭا تەحنولوگيالاردى ەنگىزۋگە ايرىقشا ٴمان بەرىلۋدە»، – دەلىنگەن.

كونفەرەنسيا اياسىندا «قازاقستاننىڭ سايلاۋ جۇيەسىنىڭ قالىپتاسۋى مەن دامۋىنىڭ تاريحي-قۇجاتتامالىق نەگىزدەرى» اتتى كورمە ٴوتتى. وندا ەل اۋماعىندا xv عاسىردان قازىرگى ۋاقىتقا دەيىنگى ٴتۇرلى تاريحي كەزەڭدەردەگى سايلاۋ جۇيەلەرىنىڭ قالىپتاسۋ جانە دامۋ تاريحى كورسەتىلگەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي