BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى ٴبىرقاتار كومپانيا باسشىلارى مەن ٴمينيستردى قابىلدادى

فوتو: akorda.kz

استانا، baq.kz. مەملەكەت باسشىسى ينۆەستيسيالار جانە دامۋ ٴمينيسترى جەڭىس قاسىمبەكتى، «سامۇرىق-قازىنا» اكسيونەرلىك قوعامى ديرەكتورلار كەڭەسىنىڭ مۇشەسى ريچارد ەۆانستى جانە «ەير استانا» اۋە كومپانياسىنىڭ پرەزيدەنتى پيتەر فوستەردى قابىلدادى، دەپ جازادى اقوردانىڭ رەسمي سايتى.

كەزدەسۋ بارىسىندا ازاماتتىق اۆياسيانى دامىتۋ ماسەلەلەرى، سونداي-اق «ەير استانا» اۋە كومپانياسىنىڭ قازىرگى احۋالى مەن الداعى پەرسپەكتيۆالارى تالقىلاندى.

«ەير استانا» – ٴبىزدىڭ نەگىزگى اۋە تاسىمالداۋشى كومپانيامىز. ٴبىز ونى ريچارد ەۆانسپەن بىرلەسە قۇردىق. وسى جىلدار ىشىندە كوپ جۇمىس اتقارىلدى. بۇگىندە كومپانيا جاقسى قىرىنان تانىلىپ، وڭ يميدج قالىپتاستىردى»، – دەدى نۇرسۇلتان نازاربايەۆ.

كەزدەسۋگە قاتىسۋشىلار قازاقستان پرەزيدەنتىنە الەمدىك اۋە تاسىمالى نارىعىنداعى سوڭعى ۇردىستەر جونىندە ايتتى. سونىمەن قاتار، نۇرسۇلتان نازاربايەۆقا ۇشۋ قاۋىپسىزدىگىن قامتاماسىز ەتۋگە قاتىستى ازاماتتىق اۆياسيانى باسقارۋدىڭ بريتاندىق مودەلىنىڭ ەلەمەنتتەرىن ەنگىزۋ ماقساتىمەن اتقارىلىپ جاتقان جۇمىستار جونىندە باياندالدى.

ينۆەستيسيالار جانە دامۋ ٴمينيسترىنىڭ مالىمەتىنە سايكەس، 2018 جىلى قازاقستاندا 13 باعىت بويىنشا اۋە رەيستەرى اشىلىپ، استانا قالاسىندا «اشىق اسپان» پيلوتتىق جوباسى ىسكە اسىرىلدى.

كەزدەسۋ سوڭىندا مەملەكەت باسشىسى اۋە تاسىمالى قىزمەتىنىڭ حالىققا قول جەتىمدىلىگىن ارتتىرۋدىڭ ماڭىزدىلىعىن اتاپ ٴوتىپ، «ەير استانا» كومپانياسىنىڭ بازاسىندا تومەندەتىلگەن تاريف بويىنشا كولىك قىزمەتىن كورسەتەتىن بيۋدجەتتىك اۋە كومپانياسىن قۇرۋدى تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي