BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلباسى «التىن ساپا» جانە «پارىز» سىيلىقتارىن تابىستادى

فوتو: Бауыржан Жуасбаев

استانا، baq.kz ٴتىلشىسى. بۇگىن مەملەكەت باسشىسى نۇرسۇلتان نازاربايەۆ «التىن ساپا» جانە «پارىز» سىيلىقتارىنىڭ جەڭىمپازدارىن ماراپاتتادى.

ەكسپو كونگرەسس ورتالىعىندا وتكەن «يندۋستريالاندىرۋدىڭ ەكىنشى بەسجىلدىعى: قازاقستاندا جاسالعان» تەلەكوپىرى بارىسىندا ەلباسى «التىن ساپا» جانە «پارىز» سىيلىقتارىنىڭ جەڭىمپازدارىن ماراپاتتادى.

نازاربايەۆ بيزنەستىڭ الەۋمەتتىك جاۋاپكەرشىلىگى جونىندەگى رەسپۋبليكالىق «پارىز» سىيلىعىنىڭ باس جۇلدەسى – قازاقستان رەسپۋبليكاسى پرەزيدەنتىنىڭ گران-پريىن «كازسينك» كومپانياسىنىڭ باسشىلىعىنا تابىستادى.

بۇعان قوسا، شىمكەنت قالاسىنىڭ «ازالا تەكستيل» كومپانياسى «التىن ساپا» پرەزيدەنت سىيلىعىنىڭ «ۇزدىك يندۋستريالىق جوبا» ارنايى اتالىمى بويىنشا لاۋرەاتى بولدى. جەڭىمپازعا سىيلىقتى ەلباسى ۇسىندى.

«التىن ساپا» پرەزيدەنت سىيلىعىنىڭ «ۇزدىك يننوۆاسيالىق جوبا» ارنايى اتالىمىنىڭ جۇلدەگەرى - «كازتەحيننوۆەيشنس» كومپانياسى. كومپانيا باسشىلىعىنا دا سىيلىقتى مەملەكەت باسشىسى تابىستادى.

سونىمەن قوسا، 2017 جىلى بيزنەس جۇرگىزۋگە قولايلى جاعداي جاساعان ۇزدىك اۋدان بولىپ باتىس قازاقستان وبلىسىنىڭ تەرەكتى اۋدانى تانىلدى. اۋدان اكىمىنە ارنايى سىيلىقتى پرەزيدەنت تاپسىردى.

جانە دە، 2018 جىلى بيزنەس جۇرگىزۋگە قولايلى جاعداي جاساعان ۇزدىك ٴوڭىر بولىپ قىزىلوردا وبلىسى تانىلدى. وبلىس اكىمى قىرىمبەك كوشەربايەۆ سىيلىقتى ەلباسىنىڭ قولىنان الدى.

اتاپ وتسەك، بۇگىنگى تەلەكوپىر بارىسىندا قازاقستان پرەزيدەنتى نۇرسۇلتان نازاربايەۆ 28 قازاقستاندىق كاسىپورىندى ونلاين رەجيمدە ىسكە قوستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي