ازاماتتىق فورۋم: نازاربايەۆ ٴبىلىم مينيسترىنەن جەتىمدەردىڭ جاعدايىن سۇرادى - پرەزيدەنت|28 قاراشا 2018، 13:39
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ازاماتتىق فورۋم: نازاربايەۆ ٴبىلىم مينيسترىنەن جەتىمدەردىڭ جاعدايىن سۇرادى

فوتو: Бауыржан Жуасбаев

استانا، baq.kz ٴتىلشىسى. ەلوردادا كەشە باستالعان ٴvىىى ازاماتتىق فورۋم بۇگىن جالعاسىن تاپتى. «ازاماتتىق قوعام جانە مەملەكەت: ديالوگ. ارىپتەستىك. سەنىم» تاقىرىبى ارقاۋ بولعان بۇگىنگى جيىنعا قازاقستان پرەزيدەنتى نۇرسۇلتان نازاربايەۆ قاتىستى.

«مەملەكەت پەن قوعام اراسىندا اشىق ديالوگ ورناتۋدىڭ قاجەت ەكەنىن مەن ٴاربىر ٴوز جولداۋىمدا ايتىپ كەلە جاتىرمىن. ٴبىزدىڭ باستى ماقساتىمىز – ازاماتتارىمىز سانالى بولىپ، مارتەبەسى جوعارى، دامىعان قوعام قۇرۋ. ەلىمىزدىڭ بىرلىگى مەن تۇراقتىلىعى ٴۇشىن جۇمىلا ەڭبەك ەتسەك، بارلىق مىندەتتەردى جۇزەگە اسىرامىز، وركەندەگەن، وسكەن 30 ەلدىڭ قاتارىنا كىرەمىز. بۇل فورۋمنىڭ ۇكىمەتتىك ەمەس سەكتورعا سەرپىن بەرىپ، ازاماتتىق قوعامنىڭ دامۋىنا ۇلكەن جول سىلتەيدى دەپ سەنەمىن»، - دەدى نازاربايەۆ.

فورۋمدا ەلىمىزدە جەتىمدەردى اسىراۋمەن اسىرايتىن 11 اگەنتتىك بار، ال بىردە-بىر قازاقستاندىق اگەنتتىك جوق ەكەنى ايتىلعان ەدى. پرەزيدەنت وسىعان قاتىستى ٴبىلىم جانە عىلىم مينيسترىنەن تۇسىنىكتەمە بەرۋدى سۇرادى.

ٴبىلىم جانە عىلىم ٴمينيسترى ەرلان ساعاديەۆ بعم پوزيسياسى جانە ستراتەگياسى – قازاقستاندا بالالار ٴۇيىنىڭ بولدىرماۋ ەكەنىن ايتتى.

«ٴبىز سوڭعى ٴۇش جىلدا ٴ24-ىن (بالالار ٴۇيى-اۆت.) قىسقارتتىق، ٴ122-سى قالدى. جىل سايىن بالالار سانى 1-1،5 مىڭعا ازايىپ كەلەدى. ٴقازىر 7 مىڭ بولدى. ەندى بۇل پروسەسس جىلدامداي تۇسەدى. ويتكەنى بالالار ۇيىندە نەگىزىنەن ۇلكەن جاستاعى بالالار عانا قالدى. ولار تۇلەپ كەتەدى. ٴبىز پاترونات وتباسى مەحانيزمىن جاسايمىز. وتباسى بالانى الادى، اقشاسىن مەملەكەت تولەپ وتىرادى. پروسەسس جىلدامدايدى. ٴبىزدىڭ ويىمىزشا، 2 جىلدان كەيىن 3-3،5 مىڭ بالا قالادى. سول كەزدە وسى سالانى تولىعىمەن ۇكىمەتتىك ەمەس سەكتورعا بەرۋگە بولادى. ال بالا اسىراۋمەن اينالىساتىن اگەنتتىكتەر ماسەلەسىن قاراستىرامىز. دەگەنمەن، سوڭعى ٴۇش جىلدا بىردە-بىر بالا شەتەلگە شىققان جوق، بارلىعى وسىندا اسىراپ الىندى»، - دەدى ەرلان ساعاديەۆ.

سونداي-اق، ەلباسى ەلىمىزدىڭ اۋقاتتى ازاماتتارى ۇكىمەتتىك ەمەس سەكتورعا كومەكتەسۋ كەرەكتىگىن ايتتى. پرەزيدەنت ەلىمىزدىڭ ۇكىمەتتىك ەمەس سەكتورىنىڭ بۇگىنگى احۋالىمەن تانىسقان ەدى.

بۇعان دەيىن مەملەكەت باسشىسى قازاقستاندا جەتىمدەر ٴۇيى بولماۋى كەرەك دەگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي