BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

2020 جىلى استانادا دسۇ كونفەرەنسياسى وتەدى

فوتو: Ақорда

مەملەكەت باسشىسى دۇنيەجۇزىلىك ساۋدا ۇيىمىنىڭ باس ديرەكتورى روبەرتۋ ازەۆەدۋمەن كەزدەستى، دەپ حابارلايدى baq.kz اقپارات اگەنتتىگى اقوردانىڭ ٴباسپاسوز قىزمەتىنە سىلتەمە جاساپ.

كەزدەسۋدە تاراپتار الەمدەگى قالىپتاسقان جاعدايعا بايلانىستى ساۋدا-ەكونوميكالىق ىنتىماقتاستىقتى دامىتۋعا قاتىستى پىكىر الماستى، سونداي-اق 2020 جىلى استانادا وتەتىن دۇنيەجۇزىلىك ساۋدا ۇيىمىنىڭ ٴحىى مينيسترلەر كونفەرەنسياسىنا دايىندىق بارىسىن تالقىلادى.

– سىزبەن استانادا قايتا جۇزدەسكەنىمە قۋانىشتىمىن. قازاقستان دۇنيەجۇزىلىك ساۋدا ۇيىمىنا مۇشە بولار كەزدە ەلىمىزگە ۇلكەن قولداۋ كورسەتكەنىڭىزدى بىلەمىز. بۇگىندە ٴبىزدىڭ ەل ۇيىمنىڭ بەلسەندى مۇشەسى سانالادى. 2020 جىلى استانادا كونفەرەنسيا وتكىزۋ جونىندە شەشىم قابىلداندى. ٴبىز وسى شارانى ٴتيىستى دەڭگەيدە وتكىزۋ ٴۇشىن كۇش جۇمىلدىرامىز، – دەدى قازاقستان پرەزيدەنتى.

نۇرسۇلتان نازاربايەۆ دۇنيەجۇزىلىك ساۋدا ۇيىمىنىڭ ەلدەر اراسىنداعى ساۋدا-ەكونوميكالىق قارىم-قاتىناستاردى نىعايتۋدى جانە كەڭەيتۋدى كوزدەيتىن باستى قاعيداتتارىن قازاقستاننىڭ تولىق قولدايتىنىن اتاپ ٴوتتى.

روبەرتۋ ازەۆەدۋ نۇرسۇلتان نازاربايەۆقا قوناقجايلىق تانىتقانى جانە قازاقستان مەن دۇنيەجۇزىلىك ساۋدا ۇيىمىنىڭ الداعى ىنتىماقتاستىعىنا ارنالعان ماسەلەلەردى تالقىلاۋعا مۇمكىندىك بەرگەنى ٴۇشىن العىس ٴبىلدىردى.

– جەنەۆاداعى سوڭعى كەزدەسۋىمىزدەن كەيىن قازاقستان مەن دۇنيەجۇزىلىك ساۋدا ۇيىمى اراسىنداعى ىنتىماقتاستىقتىڭ تەرەڭدەگەنىن نىق سەننىممەن ايتا الامىز. ٴسىزدىڭ ەلىڭىز كوپ جاقتى ساۋدا جۇيەسىن دامىتۋ قاعيداتتارىن ٴاردايىم بەرىك ۇستانىپ كەلەدى. ٴبىز قازاقستاننىڭ 2020 جىلى مينيسترلەر كونفەرەنسياسىن وتكىزۋگە كەلىسىم بەرگەنىنە قۋانىشتىمىز. بۇل بۇگىنگى الەمدە بولىپ جاتقان وقيعالارعا بايلانىستى ەرەكشە ماڭىزعا يە بولىپ وتىر، – دەدى دۇنيەجۇزىلىك ساۋدا ۇيىمىنىڭ باس ديرەكتورى.

سونداي-اق، ر.ازەۆەدۋ جەتەكشى دەرجاۆالار اراسىنداعى ساۋدا-ەكونوميكا ماسەلەلەرىنە قاتىستى شيەلەنىستىڭ باسقا ەلدەرگە تيگىزەتىن سالدارىنا توقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي