BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەكەتايەۆ جىلجىمايتىن مۇلىككە قۇقىقتاردى تىركەۋ قىزمەتىمەن تانىستىردى

فوتو: sputniknews.kz

استانا، baq.kz ٴتىلشىسى. قر ادىلەت ٴمينيسترى مارات بەكەتايەۆ جىلجىمايتىن مۇلىككە قۇقىقتاردى مەملەكەتتىك تىركەۋ تۋرالى ۇكىمەت ساعاتىندا وسى سالادا اتقارىلىپ جاتقان جۇمىسپەن تانىستىردى.

«جىلجىمايتىن مۇلىككە قۇقىقتاردى مەملەكەتتىك تىركەۋ فۋنكسياسىن ادىلەت ورگاندارى 2007 جىلدان باستاپ جۇرگىزىپ كەلەدى. جىلجىمايتىن مۇلىككە قۇقىقتاردى مەملەكەتتىك تىركەۋ سالاسى جاڭا تەندەنسيالار جانە حالىقارالىق تاجىريبە نەگىزىندە جۇيەلى تۇردە جاڭارتىلادى. جىل سايىن ەلىمىزدە ورتاشا العاندا جىلجىمايتىن مۇلىككە 1 ملن 700 مىڭنان استام قۇقىقتار تىركەلەدى. سونداي-اق، 10 ملن استام ەلەكتروندى فورماتتا انىقتامالار بەرىلەدى. بۇل كورسەتكىشتەر جىل سايىن ٴوسىپ كەلەدى»، - دەدى بەكەتايەۆ.

ٴمينيستردىڭ ايتۋىنشا، جىلجىمايتىن مۇلىكتى تىركەۋ جونىندەگى فۋنكسيالار ادىلەت ورگاندارىنا بەرىلگەن ۋاقىتتان باستاپ، وسى سالادا ايتارلىقتاي ناتيجەلەرگە قول جەتكىزىلگەن.

«مىسالى، تىركەۋ مەرزىمدەرى 15 كۇننەن 3 كۇنگە دەيىن قىسقارتىلدى. جىلجىمايتىن مۇلىككە قۇقىقتاردى مەملەكەتتىك تىركەۋ ٴۇشىن ەكى قۇجاتتى عانا ۇسىنعان جەتكىلىكتى (قۇقىق بەلگىلەيتىن قۇجات جانە تولەۋ تۋرالى تۇبىرتەك). تەحنيكالىق پاسپورتتى بەرۋ تۋرالى تالاپ الىنىپ تاستالدى. مەملەكەتتىك قىزمەتتەردى ۇسىنۋ بويىنشا بيزنەس-پروسەستەردى اۆتوماتتاندىرۋدا ەلىمىزدە ەڭ العاشقى جوبالاردىڭ ٴبىرى بولعان «جىلجىمايتىن مۇلىك تىركەلىمى» مەملەكەتتىك دەرەكتەر قورى جۇمىس ىستەپ جاتىر»، - دەدى مارات بەكەتايەۆ.

ۆەدومستۆو باسشىسىنىڭ مالىمەتىنشە، قازىرگى تاڭدا جىلجىمايتىن مۇلىك تىركەلىمىمەن مەملەكەتتىك ورگانداردىڭ 28 اقپاراتتىق جۇيەسى بىرىكتىرىلگەن.

«2015 جىلدان باستاپ نوتاريۋستار كۋالاندىرعان بارلىق مامىلەلەرگە قۇقىقتاردى ەلەكتروندىق تىركەۋ ەنگىزىلدى. بۇل مامىلەلەر 1 كۇن ىشىندە تىركەلەدى. وسىلايشا، ٴاربىر ٴتورتىنشى تىركەۋ ەلەكتروندى فورماتتا جۇرگىزىلەدى. قۇقىقتىق كاداسترداعى انىقتامالار تۇرىندەگى بارلىق اقپاراتتىق قىزمەتتەر ەلەكتروندىق فورماتقا اۋىستىرىلدى. بۇل e-gov شەڭبەرىندەگى قىزمەتتەر اراسىندا قاجەتتىلىگى جاعىنان ەكىنشى قىزمەت بولىپ تابىلادى. كۇن سايىن 30 مىڭنان استام اقپاراتتىق انىقتامالار بەرىلەدى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي