جاسوسپىرىمدەرگە اتا-اناسىنىڭ كەلىسىمىنسىز تۇسىك جاساتۋعا رۇقسات ەتەتىن نورما ۇسىنىلدى - پارلامەنت|23 قاراشا 2018، 14:53
كۋرسى ۆاليۋت وبنوۆليايۋتسيا
استانا:

جاسوسپىرىمدەرگە اتا-اناسىنىڭ كەلىسىمىنسىز تۇسىك جاساتۋعا رۇقسات ەتەتىن نورما ۇسىنىلدى

فوتو: ашық дереккөзден

استانا، baq.kz ٴتىلشىسى. ەلىمىزدە 16 جاستان باستاپ اتا-اناسىنىڭ كەلىسىمىنسىز كەپىلدى مەديسينالىق كومەكتى الۋعا بولاتىن نورمانى ەنگىزۋ ۇسىنىلىپ وتىر. بۇل تۋرالى قر دەنساۋلىق ساقتاۋ ۆيسە-مينيسترى ٴلاززات اقتايەۆا ٴماجىلىس ۇيىندە وتكەن قوعامدىق دەنساۋلىق ساقتاۋ سالاسىن جەتىلدىرۋ تۋرالى وتىرىستا مالىمدەدى.

ۆيسە-مينيستردىڭ ايتۋىنشا، قازاقستان حالقىنىڭ 22%ٴ-ىن 15-پەن 29 جاسقا دەيىنگى جاستار قۇرايدى. وسى ساناتتاعى ادامدارعا كەشەندى مەديسينالىق-الەۋمەتتىك كومەك كورسەتۋ ٴۇشىن 105 جاستار دەنساۋلىق ورتالىعى جۇمىس ىستەيدى. جىلدان-جىلعا مۇنداي ورتالىقتاردىڭ كومەگىنە جۇگىنەتىندەر سانى ارتىپ كەلەدى. 2018 جىلدىڭ قاڭتار ايىنان باستاپ 256 مىڭنان استام جاس جۇگىنگەن.

«قازىرگى زاڭنامالاردا كامەلەتكە تولماعاندارعا اتا-اناسىنىڭ كەلىسىمىنسىز مەديسينالىق كومەك كورسەتۋ شەكتەلگەن. مۇنداي شەكتەۋ قالاۋسىز جۇكتىلىكتىڭ الدىن الۋ مەن سونداي جۇكتىلىك كەزىندە جاساندى تۇسىك جاساتۋعا نەمەسە بوسانۋ ٴۇشىن ٴوز ۋاقىتىندا مەديسينالىق كومەك الۋعا بوگەت جاساپ وتىر»، - دەدى اقتايەۆا.

ۆيسە-مينيستر مۇنداي شەكتەۋگە قاراماستان سوڭعى ٴۇش جىلدا جاسوسپىرىمدەر اراسىندا بوسانۋ سوڭعى 2،6% تومەندەگەن، 2017 جىلى ولاردىڭ سانى 3443 قۇراعانىن ايتتى.

«وسى جاس ساناتىنداعىلارعا قالاۋسىز جۇكتىلىكتىڭ الدىن الۋ شارالارىن جۇرگىزۋ قاجەت. جاسوپىرىمدەر مۇنداي پروبلەما بولسا اتا-اناسىمەن ۇنەمى بولىسە بەرمەيدى. سول سەبەپتى «حالىقتىڭ دەنساۋلىعى مەن دەنساۋلىق ساقتاۋ جۇيەسى» كودەسىنىڭ جاڭا رەداكسياسىنا 16 جاستان باستاپ كەپىلدى مەديسينالىق كومەكتى اتا-اناسىنىڭ كەلىسىمىنسىز الۋعا بولاتىن نورمانى ەنگىزۋ ۇسىنىلدى»، - دەدى قر دەنساۋلىق ساقتاۋ ۆيسە-مينسيترى.

ول ەگەر ٴجاسوسپىرىم مەديسينالىق كومەك العان ساتتە توتەنشە جاعداي تۋىنداسا ونىڭ جاقىن تۋىستارى مىندەتتى تۇردە حابارلاناتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي