BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

زاڭ شىعارۋ جۇيەسىنە جاساندى ينتەللەكت قوسىلۋى مۇمكىن – بەكەتايەۆ 

قر ادىلەت ٴمينيسترى مارات بەكەتايەۆ پارلامەنت سەناتىندا وتكەن زاڭ شىعارۋ پروسەسىن جەتىلدىرۋ ماسەلەلەرى بويىنشا ۇكىمەت ساعاتىندا «ە-زاڭناما» اقپاراتتىق جۇيەسىن ازىرلەۋ بويىنشا جۇرگىزىلىپ جاتقان جۇمىستار تۋرالى اتاپ ٴوتتى، دەپ حابارلايدى baq.kz ٴتىلشىسى.

«بۇل جۇيە «big data» ينتەگراسيا ارقىلى ينتەرنەت رەسۋرستاردان جانە مەملەكەتتىك ورگانداردىڭ دەرەكتەر قورىنان كەلەتىن ۇلكەن دەرەكتەردى وڭدەيدى. بولاشاقتا وسى جۇيەگە جاساندى ينتەللەكتتى قوسۋ جوسپارلانۋدا. روبوت ادامدار ٴۇشىن زاڭ جوباسى نورمالارىن جازابايتىندىعىن بىردەن ايتۋ كەرەك. ول مەملەكەتتىك ورگاننىڭ سۇراۋى بويىنشا تالدامالىق دەرەكتەردى وڭدەيدى جانە نورماتيۆتىك قۇقىقتىق اكتىلەردىڭ جوباسىن ازىرلەۋ ٴۇشىن قاجەتتى ناتيجە بەرەدى»، - دەدى ول.

سونداي-اق، مينيستر ٴبىرىنشى كەزەكتە اعىلشىن تىلىندە اقپارات الاتىن بولعان سوڭ ازىرلەۋشى-ورگاندار ٴۇشىن ورىنداۋشىلاردىڭ دەڭگەيىندە اعىلشىن ٴتىلىن ٴبىلۋ قاجەتتىگىن اتاپ ٴوتتى. ادىلەت مينيسترلىگىنىڭ كادر ساياساتى وسى قاعيداتقا سۇيەنە وتىرىپ جۇمىس ىستەيدى.

ٴمينيستردىڭ ايتۋىنشا، بۇگىندە ادىلەت مينيسترلىگىنىڭ نورماشىعارماشىلىق بلوگىندا 20%-كە جۋىق قىزمەتكەردىڭ شەتەلدىك ٴبىلىمى بار جانە ولار اعىلشىن ٴتىلىن ەركىن مەڭگەرگەن.

«نورماتيۆتىك قۇقىقتىق اكتىلەردى قابىلداۋ پروسەسىن، زاڭدى ساراپتاما جانە قۇقىقتىق مونيتورينگ جۇرگىزۋ ٴتارتىبىن تۇجىرىمدامالىق تۇردە قايتا قاراۋ جوسپاردا بار. اعىمداعى جىلدىڭ سوڭىنا دەيىن دۇنيەجۇزىلىك بانكپەن جاسالعان كەلىسىم شەڭبەرىندە وسى ماسەلە بويىنشا حالىقارالىق تاجىريبەگە سالىستىرمالى تالداۋ جۇرگىزىلىپ، كەيىننەن زاڭ جوباسى ازىرلەنەدى»، - دەپ اتاپ ٴوتتى بەكەتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي