ۇلتتىق بانك: تەڭگە جىل باسىنان بەرى 10،9% السىرەگەن - پارلامەنت|31 قازان 2018، 12:12
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ۇلتتىق بانك: تەڭگە جىل باسىنان بەرى 10،9% السىرەگەن

فوتو: ашық дереккөзден

استانا، baq.kz ٴتىلشىسى. ۆاليۋتا نارىعىنداعى تەڭگە باعامى 2018 جىلدىڭ باسىنان 30 قازان ارالىعىندا ٴبىر اقش دوللارى ٴۇشىن 368،55 تەڭگەگە دەيىن 10،9%-عا السىرەدى. قازاقستان ۇلتتىق بانكىنىڭ ٴتوراعاسى دانيار اقىشەۆ وسىلاي دەدى.

ۇلتتىق بانك ٴتوراعاسىنىڭ ايتۋىنشا، تەڭگەنىڭ السىرەۋى سىرتقى فاكتورلارعا بايلانىستى بولدى. ولار: اقش دوللارىنىڭ دامۋشى ەلدەردىڭ ۆاليۋتالارىنا قاتىستى نىعايۋى جانە رەسەيگە قارسى سانكسيالاردىڭ بولاشاقتا قاتاڭداتىلاتىنى تۋرالى مالىمدەمەلەر.

«اتالعان باعامدىق ساياسات التىنۆاليۋتا رەزەرۆتەرىن ساقتاۋعا مۇمكىندىك بەرەدى. قازاقستان ۇلتتىق بانكىنىڭ التىنۆاليۋتا رەزەرۆتەرى قىركۇيەكتىڭ سوڭىندا 30 ملرد اقش دوللارىن، ۇلتتىق قوردىڭ اكتيۆتەرى 56،3 ملرد اقش دوللارىن قۇرادى. جالپى حالىقارالىق رەزەرۆتەر 86،3 ملرد اقش دوللارىن قۇرادى»، - دەدى دانيار اقىشەۆ.

سونىمەن قاتار، ٴتوراعا قازاقستان ۇلتتىق بانكى 2019 جىلى قارجى تۇراقتىلىعىن قامتاماسىز ەتۋ بويىنشا جۇمىستى جالعاستىراتىنىن ايتتى.

بۇعان دەيىن اقىشەۆ ۇلتتىق بانك ينفلياسيانى 4-6% دالىزدە ۇستاپ تۇرۋعا تىرىساتىنىن ايتقان بولاتىن.

اتاپ وتسەك، ٴماجىلىس وتىرىسىندا "2019-2021 جىلدارعا ارنالعان رەسپۋبليكالىق بيۋدجەت تۋرالى" زاڭ جوباسى قارالىپ جاتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي