BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توقايەۆ سەناتتىڭ جاڭا سەسسياداعى جۇمىسىن ايقىندادى

التىنشى شاقىرىلىمداعى ٴتورتىنشى سەسسيانىڭ اشىلۋىندا ەلباسى بەلگىلەگەن مىندەتتەردى تابىستى ىسكە اسىرۋ ٴۇشىن دەپۋتاتتار كورپۋسى ۇكىمەتپەن بىرلەسە جۇمىس جۇرگىزەتىن بولادى. سەنات ٴتوراعاسى قاسىم-جومارت توقايەۆ جاڭا سەسسياداعى سەناتتىڭ العاشقى وتىرىسىندا وسىلاي دەپ اتاپ ٴوتتى، دەپ حابارلايدى baq.kz اقپارات اگەنتتىگى.

سەناتتىڭ ٴباسپاسوز كونفەرەنسياسىنان حابارلاعانداي، سەسسيا بارىسىندا ٴوزىن-وزى جۇمىسپەن قامتىعانداردى الەۋمەتتىك قامسىزداندىرۋ جۇيەسىنە تارتىپ، تۇرعىن ٴۇي قاتىناستارىن رەتتەۋگە، وتاندىق ٴتۋريزمدى جاقسارتۋعا، كاسىپكەرلىكتى جانە اگروونەركاسىپ كەشەنىن ودان ٴارى دامىتۋعا باعىتتالعان زاڭ جوبالارى بويىنشا اۋقىمدى جۇمىستار جۇرگىزىلەدى.

«مەملەكەت باسشىسى قۇقىق قورعاۋ جۇيەسىن رەفورمالاۋعا ايرىقشا كوڭىل ٴبولىپ، بۇل سالادا ورىن الىپ وتىرعان كەمشىلىكتەردى اتاپ ٴوتتى. ٴبىز وسى سالانى رەتتەيتىن زاڭداردى جەتىلدىرۋ بويىنشا جۇمىس جۇرگىزەتىن بولامىز»، - دەدى ق.توقايەۆ.

دەپۋتاتتار سونىمەن قاتار قىلمىستىق زاڭنامانى ەكونوميكالىق قىزمەت سالاسىندا ودان ٴارى ىزگىلەندىرۋدى كوزدەيتىن زاڭنامالىق تۇزەتۋلەردىڭ توپتاماسىن دا قاراستىراتىن بولادى.

«رۋحاني جاڭعىرۋ» باعدارلاماسىن ىسكە اسىرۋ اياسىندا تاريحي جانە كيەلى نىسان­داردى ٴتيىمدى دامىتۋعا جانە قورعاۋعا باعىتتالعان زاڭ جوبالارى دا كۇن تارتىبىنە قويىلادى.

وتىرىس بارىسىندا سەنات قازاقستان مەن رەسەي فەدەراسياسى ۇكىمەتتەرىنىڭ اراسىنداعى رەسەي فەدەراسياسىنىڭ «بايقوڭىر» كەشەنىن جالعا الۋ جاعدايىندا بايقوڭىر عارىش ايلاعىنىڭ پەرسونالىنا، بايقوڭىر قالاسىنىڭ، تورەتام جانە اقاي كەنتتەرىنىڭ تۇرعىندارىنا مەديسينالىق قىزمەت كورسەتۋ ٴتارتىبى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاسيالادى.

حاتتاماعا 2017 جىلعى 9 قاراشادا چەليابينسك قالاسىندا مەملەكەتتەر باسشىلارىنىڭ قاتىسۋىمەن وتكەن قازاقستان مەن رەسەيدىڭ ٴوڭىرارالىق ىنتىماقتاستىعىنىڭ ٴحىv فورۋمىنىڭ بارىسىندا قول قويىلعان بولاتىن.

قازىرگى كەزدە قولدانىستاعى كەلىسىم اياسىندا قازاقستاندىق ازاماتتارعا، بايقوڭىر قالاسىنىڭ 48 مىڭنان استام تۇرعىنىنا مەديسينالىق كومەكتى رەسەي فەدەراسياسىنىڭ زاڭناماسىنا سايكەس رەسەيلىك مەديسينالىق ۇيىمدار عانا كورسەتەدى.

قازاقستاندا كورسەتىلەتىن مەديسينالىق كومەكتەن ايتارلىقتاي وزگەشەلىكتەر بولۋىنا بايلانىستى ٴبىزدىڭ ازاماتتارىمىز قازاقستاننىڭ زاڭناماسىنا سايكەس كەپىلدىك بەرىلگەن مەديسينالىق كومەك كولەمىن، تەگىن دارىلىك قۇرالدار مەن مەديسينالىق ماقساتتاعى بۇيىمدار الۋ، پروفيلاكتيكالىق مەديسينالىق (سكرينينگتىك) تەكسەرۋلەردەن ٴوتۋ قۇقىعىمەن قامتاماسىز ەتىلمەگەن. بايقوڭىر قالاسىنىڭ تۇرعىندارى قازاقستاننىڭ بارلىق وڭىرلەرىندە قولجەتىمدى جوعارى مامانداندىرىلعان مەديسينالىق كومەككە قول جەتكىزە الماۋدا، بۇل مۇگەدەكتىككە جانە ٴومىر ساپاسىن تومەندەتۋگە الىپ كەلەتىن كەلەڭسىز جاعدايلار ٴقاۋپىن ۇلعايتىپ وتىر.

زاڭ جوباسىن قابىلداۋ حاتتاماعا سايكەس قازاقستان رەسپۋبليكاسىنىڭ بايقوڭىر قالاسىندا، تورەتام جانە اقاي كەنتتەرىندە تۇراتىن ازاماتتارىنا قازاقستاننىڭ ۇلتتىق زاڭناماسىنا سايكەس ەلىمىزدىڭ دەنساۋلىق ساقتاۋ سۋبەكتىلەرىنىڭ مەديسينالىق كومەك كورسەتۋى ماسەلەسىن رەتتەۋگە مۇمكىندىك بەرەدى.

تابىس پەن مۇلىككە قوسارلانعان سالىق سالۋدى بولدىرماۋ تۋرالى قازاقستان مەن وزبەكستان ۇكىمەتتەرىنىڭ اراسىنداعى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتاما راتيفيكاسيالاندى.

حاتتامادا اقپارات الماسۋدى ۇلعايتۋ ارقىلى سالىقتان جالتارۋعا جول بەرمەۋگە باعىتتالعان ەرەجەلەردى وزگەرتۋ، سالىق جيناۋعا جيناۋعا كومەكتەسۋ; بەيرەزيدەنتتىڭ تۇراقتى مەكەمە قۇرۋ ولشەمشارتتارىن ايقىندايتىن باپتارىنىڭ ەرەجەلەرىن ناقتىلاۋ; ٴبىرقاتار تەرميندەردى وزگەرتۋ جانە كەلىسىمنىڭ كۇشى اسەر ەتەتىن قازاقستاندىق سالىقتاردىڭ اتاۋلارىن ناقتىلاۋ; ديۆيدەندتەرگە، پروسەنتتەرگە، رويالتيگە، مۇلىك قۇنىنىڭ وسۋىنە، تاۋەلسىز جەكە قىزمەتتەرگە جانە باسقا تابىستارعا سالىق سالۋ ٴتارتىبىن رەتتەيتىن باپتاردى وزگەرتۋ كوزدەلگەن.

حاتتاما سالىق قاتىناستارىنىڭ سالىستىرمالى تۇراقتىلىعىنا كەپىلدىك بەرەدى، تابىستارعا قوسارلانعان سالىق سالۋعا جول بەرمەيدى جانە سول ارقىلى ەكى مەملەكەت اراسىندا نەعۇرلىم تىعىز ەكونوميكالىق بايلانىستار ورناتۋعا مۇمكىندىك بەرەدى.

وتىرىستا سونداي-اق ەلەكتروندىق جۇيەنىڭ پايدالانىلۋىن جانە وعان قىزمەت كورسەتەتىندەردىڭ جۇمىسىن باقىلاۋ جونىندەگى كوميسسيانى قۇرۋ ماسەلەسى قارالدى. كوميسسيا قۇرامىنا سەناتورلار گەورگيي كيم، تولەۋبەك مۇقاشەۆ، ۆلاديمير ۆولكوۆ ەندى.

وتىرىس بارىسىندا سەناتورلاردىڭ دەپۋتاتتىق ساۋالدارى جاريا ەتىلدى. سەناتور باكتىباي شەلپەكوۆ جاڭاوزەن قالاسىنان تۇرىكمەنستان شەكاراسىنا دەيىنگى اۆتوموبيل جولىنىڭ قۇرىلىسىن سالۋ تۋرالى; ۆلاديمير ۆولكوۆ ۇرلىقتىڭ الدىن الۋ جانە وعان قارسى ٴىس-قيمىلدى جۇزەگە اسىرۋ تۋرالى; دۋلات قۇسداۋلەتوۆ جولدا ٴجۇرۋ قاۋىپسىزدىگىن قامتاماسىز ەتۋ ماسەلەلەرى تۋرالى; ٴابدالى نۇراليەۆ بوگەتتەر مەن پلوتينا جانە باسقا دا سۋدان قورعاۋ قۇرىلىستارىن بەكەمدەۋ قاجەتتىگى تۋرالى; ەدىل مامىتبەكوۆ استانا قالاسىنىڭ كارىز جانە سۋدى بۇرۋ جۇيەسىن جاڭعىرتۋ تۋرالى ساۋال جولدادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي