BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توقايەۆ قىتايلىق genertec حولدينگىنىڭ باسشىسىن قابىلدادى

استانا، baq.kz. پارلامەنت سەناتىنىڭ ٴتوراعاسى قاسىم-جومارت توقايەۆ "china general technology holding" (genertec) حولدينگى باسقارماسىنىڭ ٴتوراعاسى لۋ ٴييميندى قازاقستانداعى اۆتوموبيل جاساۋ سالاسىن جاڭعىرتۋدى كوزدەيتىن ينۆەستيسيالىق ٴىرى كەلىسىمگە قول قويىلۋىمەن قۇتتىقتادى، دەپ حابارلادى پارلامەنت سەناتىنىڭ ٴباسپاسوز قىزمەتى.

قاسىم-جومارت توقايەۆتىڭ ايتۋىنشا، بۇل كەلىسىم ساۋدا جانە ينۆەستيسيا سالاسىنداعى ۇلكەن وقيعا رەتىندە حالىقارالىق بۇقارالىق اقپارات قۇرالدارىندا زور سەرپىلىس تۋعىزىپ وتىر.

لۋ ييمين genertec حولدينگىنىڭ قازاقستاندا قول جەتكىزگەن كەلىسىمدەرى مەن جاڭا جوبالاردى جۇزەگە اسىرۋ جونىندەگى جوسپارلارى تۋرالى حاباردار ەتتى.

سەنات ٴتوراعاسى الەمدىك ەكونوميكاداعى قحر-دىڭ ورنى قازاقستاندا بەلگىلى ەكەنى جانە قىتايمەن ىنتىماقتاستىق باسىم باعىت رەتىندە سانالاتىنىن اتاپ ٴوتتى. قاسىم-جومارت توقايەۆ قىتاي ٴتوراعاسى سي ٴسزينپيننىڭ بەس جىل بۇرىن استانادا جاريا ەتكەن جىبەك جولى جاڭا ستراتەگياسىن ىسكە اسىرۋدا بىرلەسكەن ٴىس-قيمىلدىڭ ماڭىزدى ەكەنىن ايتتى.

سەنات باسشىسى ساياسي، ساۋدا-ەكونوميكالىق جانە ينۆەستيسيالىق ىنتىماقتاستىقتى ىنتالاندىرۋدا ەكى مەملەكەتتىڭ زاڭ شىعارۋ ورگاندارىنىڭ ٴرولى زور ەكەنىنە توقتالدى. حالىق وكىلدەرىنىڭ بۇكىلقىتاي جينالىسى تۇراقتى كوميتەتىنىڭ ٴتوراعاسى لي چجانشۋدىڭ قازاقستانعا ساپارى پارلامەنتارالىق ٴۇنقاتىسۋلارعا جاڭا سەرپىن بەرە الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي