BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توقايەۆ قحر ورتالىق اسكەري كەڭەسى ٴتوراعاسىنىڭ ورىنباسارىن قابىلدادى

پارلامەنت سەناتىنىڭ ٴتوراعاسى قاسىم-جومارت توقايەۆ قحر ورتالىق اسكەري كەڭەسى ٴتوراعاسىنىڭ ورىنباسارى سيۋي سيلياندى قابىلدادى، دەپ حابارلايدى ۆaq.kz اقپارات اگەنتتىگى.

سەنات باسشىسى قازاقستان مەن قىتاي اراسىنداعى ستراتەگيالىق ارىپتەستىكتى ودان ٴارى دامىتۋدا بۇل ساپاردىڭ ماڭىزى زور ەكەنىن اتاپ ٴوتتى. ق.توقايەۆتىڭ ايتۋىنشا، ەكى ەل اراسىنداعى ستراتەگيالىق ارىپتەستىكتى ناتيجەلى دامىتۋ ەۋرازيا قۇرلىعىنىڭ اۋقىمدى بولىگىندەگى بەيبىتشىلىك پەن قاۋىپسىزدىكتى قامتاماسىز ەتۋ مەن نىعايتۋداعى ماڭىزدى ماسەلە بولىپ تابىلادى.

اسكەري سالاداعى ٴوزارا ٴىس-قيمىلدىڭ دەڭگەيى مەن كەلەشەگىن تالقىلاي كەلىپ، تاراپتار ەكىجاقتى سيپاتتا دا، شىۇ اياسىندا دا ىنتىماقتاستىقتى ۇدەتە ٴتۇسۋدى قاناعاتتانعاندىقپەن اتاپ ٴوتتى. جۇزدەسۋشىلەر ەكى ەلدىڭ جوعارى باسشىلىعىنىڭ جۇيەلى تۇردەگى كەزدەسۋلەرىنىڭ ەرەكشە ناتيجەلى بولاتىنىن ايتا كەلىپ، قازاقستان پرەزيدەنتى ن.نازاربايەۆتىڭ بيىلعى شىلدەدە قحر-عا رەسمي ساپارىنىڭ جانە سينداو قالاسىندا وتكەن شانحاي ىنتىماقتاستىق ۇيىمىنىڭ سامميتىنە قاتىسۋىنىڭ قورىتىندىلارىن جوعارى باعالادى.

«شىۇ اياسىنداعى ٴوزارا ٴىس-قيمىل قازاقستان سىرتقى ساياساتىنداعى نەگىزگى باسىمدىقتاردىڭ ٴبىرى بولىپ تابىلادى»، - دەدى توقايەۆ.

سيۋي سيليان نازاربايەۆتىڭ باسشىلىعىمەن قازاقستاننىڭ الەۋمەتتىك-ەكونوميكالىق دامۋىندا قول جەتكەن زور تابىستارىنا، ٴبىزدىڭ ەلىمىزدىڭ حالىقارالىق ارەناداعى بەدەلى ارتا تۇسكەنىنە، قازاقستان ەلباسىنىڭ قىتايدا كەڭىنەن تانىمالدىعىنا توقتالدى.

جۇزدەسۋشىلەر بارلىق سالاداعى ىنتىماقتاستىقتى نىعايتۋ ماقساتىندا مەملەكەتتەر باسشىلارىنىڭ قول جەتكىزگەن ۋاعدالاستىقتارىن تولىقتاي جۇزەگە اسىرۋ قاجەتتىگى تۋرالى ويلارىن ورتاعا سالدى.

«اسكەري بايلانىستار – مەملەكەتارالىق قاتىناستاردىڭ ماڭىزدى بولىگى. اسكەري ىنتىماقتاستىقتىڭ جوعارى دەڭگەيى – مەملەكەتتەر اراسىنداعى قاتىناستار دەڭگەيىنىڭ كورسەتكىشى»، - دەپ اتاپ ٴوتتى قحر ورتالىق اسكەري كەڭەسى ٴتوراعاسىنىڭ ورىنباسارى.

ول شىۇ-دا بىرلەسكەن جاتتىعۋ وتكىزۋ كەزىندە قولداۋ بىلدىرگەنى ٴۇشىن قازاقستانعا العىسىن جەتكىزدى.

كەزدەسۋ بارىسىندا جاڭا قاتەرلەر مەن قاۋىپتەر تۇرعىسىندا ايماقتىق قاۋىپسىزدىك ماسەلەلەرى دە تالقىلاندى. «نۇرلى جول» ستراتەگياسى مەن «جىبەك جولىنىڭ ەكونوميكالىق بەلدەۋىنىڭ» ۇشتاسۋىنىڭ ەرەكشە ماڭىزى تۋرالى دا ايتىلدى. ق.توقايەۆ پارلامەنتارالىق ىنتىماقتاستىقتى ودان ٴارى دامىتۋ مەن حالىق وكىلدەرى بۇكىلقىتاي جينالىسى تۇراقتى كوميتەتى ٴتوراعاسىنىڭ قازاقستانعا الداعى ساپارىنىڭ ماڭىزىنا توقتالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي