توقايەۆ: ٴقازىر جاھاندىق جانە ايماقتىق قاۋىپسىزدىك بەرىكتىگى سىناققا ٴتۇسىپ وتىر - پارلامەنت|03 قاراشا 2018، 12:42
كۋرسى ۆاليۋت وبنوۆليايۋتسيا
استانا:

توقايەۆ: ٴقازىر جاھاندىق جانە ايماقتىق قاۋىپسىزدىك بەرىكتىگى سىناققا ٴتۇسىپ وتىر

استانا، baq.kz ٴتىلشىسى. قر پارلامەنتى سەناتىنىڭ ٴتوراعاسى قاسىم-جومارت توقايەۆ ماسكەۋگە جۇمىس ساپارىمەن باردى. رەسەيدە تالقىلانعان باستى تاقىرىپ – ەۋرازياداعى گەوسياسي ۇدەرىستەر.

ماسكەۋدە قاسىم-جومارت توقايەۆ رەسەي فەدەراسياسى سىرتقى ىستەر مينيسترلىگىنىڭ ديپلوماتيالىق اكادەمياسىندا بولدى. وقىتۋشىلار مەن تىڭداۋشىلار الدىندا ٴسوز العان سەنات ٴتوراعاسى ەۋرازيانىڭ گەوساياسي ٴرولى مەن حالىقارالىق ارەناداعى قازاقستاننىڭ ورنىنا تالداۋ جاسادى. توقايەۆتىڭ پىكىرىنشە، بۇگىنگى تاڭدا جاھاندىق جانە ايماقتىق قاۋىپسىزدىك كەسكىن-كەلبەتىنىڭ بەرىكتىگى ەلەۋلى تۇردە سىناققا ٴتۇسىپ وتىر.

«ٴبىز قىرعي-قاباق سوعىستىڭ كەيبىر كورىنىستەرىنىڭ قايتا تۋىنداپ وتىرعانىن كورىپ وتىرمىز. ۇلتتار اراسىنداعى، دىندەر اراسىنداعى، ٴتىپتى دىندەر ىشىندەگى سيپاتتاعى تەكەتىرەستەر ٴورشي تۇسۋدە»، - دەدى سەنات باسشىسى.

بايانداماشى جاھاندىق جانە ايماقتىق قاۋىپسىزدىكتى نىعايتۋ ماقساتىنداعى قازاقستان قولعا العان قادامدار تۋرالى ايتتى.

«استانا ەۋرازياداعى ٴۇنقاتىسۋ مەن بىتىمگەرشىلىكتىڭ بارشاعا مويىندالعان ورتالىعى مارتەبەسىنە يە بولدى. پرەزيدەنت نۇرسۇلتان نازاربايەۆ ۋكراينانىڭ شىعىسىنداعى جاعدايدى رەتتەۋگە ەلەۋلى كۇش سالىپ، رەسەي مەن تۇركيا اراسىنداعى قاتىناستاردى قالىپقا تۇسىرۋدە شەشۋشى ۇلەس قوستى. قازاقستان استاناسىندا سيريالىق شيەلەنىستەردى رەتتەۋ جونىندەگى مازمۇندى كەلىسسوزدەر ٴوتتى»، - دەدى قاسىم-جومارت توقايەۆ.

سەنات ٴباسپاسوز قىزمەتىنىڭ مالىمەتىنشە، ماسكەۋدە توقايەۆ رەسەي فەدەرالدىق جينالىسىنىڭ قوس پالاتا باسشىلارىمەن جانە باسقا دا لاۋازىمدى تۇلعالارمەن كەزدەستى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي