توقايەۆ ەۋرازيانىڭ زاڭگەر-عالىمدارىن ىنتىماقتاستىقتى دامىتۋعا شاقىردى - پارلامەنت|30 قاراشا 2018، 18:09
كۋرسى ۆاليۋت وبنوۆليايۋتسيا
استانا:

توقايەۆ ەۋرازيانىڭ زاڭگەر-عالىمدارىن ىنتىماقتاستىقتى دامىتۋعا شاقىردى

استانا، baq.kz. پارلامەنت سەناتىنىڭ ٴتوراعاسى قاسىم-جومارت توقايەۆ قارا تەڭىز-كاسپيي ٴوڭىرى ەلدەرىنىڭ زاڭگەرلەر قاۋىمداستىعىنىڭ ٴتوراعاسى يلگام راگيموۆ جانە ٴبىر توپ قازاقستاندىق جانە رەسەيلىك زاڭگەر-عالىمدارمەن كەزدەسۋ وتكىزدى.

ق.توقايەۆ قازاقستان رەسپۋبليكاسى تۇڭعىش پرەزيدەنتى كۇنىنىڭ قارساڭىندا وتكىزگەن بۇل كەزدەسۋ كەزدەيسوق ەمەس ەكەنىن ايتا كەلىپ، ەلباسى نۇرسۇلتان نازاربايەۆ ەۋرازيا كەڭىستىگىندە كوپشىلىككە مويىندالعان ينتەگراسيالىق ۇدەرىستەردى قالىپتاستىرۋشىسى ٴارى ساۋلەتشىسى ەكەنىن ەرەكشە اتاپ ٴوتتى.

قۇقىقتىق رەفورمالار، سوت جۇيەسى مەن قۇقىق قورعاۋ ورگاندارىنداعى وزگەرىستەرگە توقتالعان سەنات ٴتوراعاسى ەلباسىنىڭ «100 ناقتى قادام» ۇلت جوسپارى تۋرالى باستاماسى اياسىندا قازاقستان قىلمىستىق، قىلمىستىق-پروسەستىك جانە ازاماتتىق-پروسەستىك زاڭناماسىن جاڭارتىلعانىن حاباردار ەتتى.

ق.توقايەۆتى ايتۋىنشا، سونىمەن قاتار زاڭنامانى ودان ٴارى جەتىلدىرۋدى جانە بۇرىنعى تاسىلدەردى قايتا قاراۋدى قاجەت ەتەتىن كۇردەلى ماسەلەلەر بار.

«پارلامەنت دەپۋتاتتارىنىڭ جانە زاڭگەر-عالىمداردىڭ باستى ماقساتى – حالىقتىڭ سوت جۇيەسىنە جانە جالپى مەملەكەتكە دەگەن سەنىمىن ارتتىرۋ. ٴبىزدىڭ الدىمىزدا قىلمىستىق جانە قىلمىستىق-پروسەستىك زاڭنامانىڭ لوگيكالىق ٴوزارا بايلانىسى مەن بىرىزدىلىگىن قامتاماسىز ەتۋ مىندەتى تۇر»، - دەدى سەنات ٴتوراعاسى.

ق.توقايەۆ قىلمىس دەڭگەيىن بارىنشا ازايتۋ زاڭناما مەن قۇقىق قولدانۋدى جەتىلدىرۋگە عانا بايلانىستى ەمەس، سونداي-اق دۇنيەتانىم مەن ادامگەرشىلىك ماسەلەلەرىن شەشۋگە دە بايلانىستى ەكەنىن ايتتى. وسىعان بايلانىستى، ونىڭ پىكىرىنشە، كورنەكتى زاڭگەر-عالىم ي.راگيموۆتىڭ «قىلمىس پەن جازانىڭ فيلوسوفياسى» اتتى كىتابى زور ىقىلاس تۋعىزادى.

«اۆتور ادامگەرشىلىكتىڭ ىرگەلى كاتەگوريالارىنىڭ ۇستانىمدارى تۇرعىسىندا زاڭ جۇزىندە جانە عىلىمدا دا زاڭ شىعارۋدىڭ نەگىزىندە بولۋى ٴتيىس قىلمىس ماسەلەسىن ناقتى تالدادى»، - دەدى سەنات ٴتوراعاسى كىتاپتى تالقىماستان بۇرىن.

ٴسوز العان ي.راگيموۆ كەزدەسۋگە قاتىسۋشىلارعا مونوگرافياسىنىڭ مازمۇنى تۋرالى ايتىپ، ونىڭ قازاق تىلىندەگى نۇسقاسىن ۇسىندى.

تالقىلاۋعا پارلامەنت سەناتى ٴتوراعاسىنىڭ ورىنباسارى بەكتاس بەكنازاروۆ، سەناتور دۋلات قۇستاۋلەتوۆ، ي.ا.بۋنين اتىنداعى ەلەسك مەملەكەتتىك ۋنيۆەرسيتەتىنىڭ پروفەسسورى يۋريي گوليك، ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى فيلوسوفيا كافەدراسىنىڭ مەڭگەرۋشىسى عاريفوللا ەسىم، رەسەي فەدەراسياسىنىڭ ەڭبەك سىڭىرگەن عىلىم قايراتكەرى الەكساندر كوروبەەۆ، «قازاقستاننىڭ زاڭگەرلەر كەڭەسى» رقق ٴتوراعاسى سەرىك اقىلباي مەن تانىمال قۇقىقتانۋشى ەسبەرگەن الاۋحانوۆ قاتىستى.

سەنات ٴتوراعاسى كەزدەسۋدى قورىتىندىلاي كەلىپ، ەلدەرىمىزدىڭ زاڭگەر-عالىمدارىنىڭ ىنتىماقتاستىعى تابىستى ٴارى جۇيەلى بولاتىندىعىنا، ال زەرتتەۋ قورىتىندىلارى زاڭنامانى جەتىلدىرۋ جۇمىسىنا دەمەۋ بولاتىندىعىنا سەنىم ٴبىلدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي