BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توقايەۆ ەسىرتكى تاراتۋشىلاردى ٴومىر بويىنا باس بوستاندىعىنان ايىرۋدى ۇسىندى

استانا، baq.kz ٴتىلشىسى. بۇگىن پارلامەنت سەناتىنىڭ ٴتوراعاسى قاسىم-جومارت توقايەۆ ەسىرتكى تاراتۋشىلاردى ٴومىر بويىنا باس بوستاندىعىنان ايىرۋدى ۇسىندى.

«بۇل وتە وزەكتى تاقىرىپ. ٴبىز، سەناتورلار ەسىرتكى تاراتۋشىلاردى قىلمىستىق جانە سوت تارتىبىمەن قۋادالاۋدى كۇشەيتۋىمىز كەرەك. مۇمكىن، ٴومىر بويىنا باس بوستاندىعىنان ايىرۋ قاجەت بولار. ودان دا قاتاڭ جازا قاجەت بولۋى مۇمكىن. سەبەبى، بۇل ماسەلە مەملەكەتتىڭ ۇلتتىق مۇددەلەرىمەن بايلانىستى جانە تەرروريستىك ارەكەتكە تەڭەلۋى مۇمكىن»، - دەدى توقايەۆ.

بۇگىن پارلامەنت سەناتىنىڭ وتىرىسىندا «قر كەيبىر زاڭنامالىق اكتىلەرىنە ەسىرتكى، پسيحوتروپتىق زاتتار، سول تەكتەستەر مەن پرەكۋرسورلار اينالىمىن باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭ جوباسى قابىلداندى. اتالعان زاڭ ەسىرتكىنىڭ جاڭا تۇرلەرىنە تىيىم سالۋدى كوزدەيدى. سونداي-اق، بۇگىنگى وتىرىس بارىسىندا سەناتور ساۋلە ايتپايەۆا ەلىمىزدە ەسىرتكى ماسەلەسى اسا وزەكتى ەكەنىن ايتتى.

بۇعان دەيىن سەنات وتىرىسىندا جوعارعى سوتتىڭ ٴۇش سۋدياسى قىزمەتىنەن بوساتىلعان بولاتىن. سونىمەن قاتار، «تابيعي مونوپوليالار تۋرالى» زاڭ جوباسى قابىلداندى. جانە ٴىىم ەسىرتكىنىڭ جاڭا تۇرلەرىنە تىيىم سالاتىن زاڭ قاجەت ەكەنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي