BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

توقايەۆ ٴبىزدىڭ ەلدەگى ديپلوماتيالىق قىزمەتتەرى اياقتالعان ەلشىلەردى قابىلدادى

استانا، baq.kz. پارلامەنت سەناتىنىڭ ٴتوراعاسى قاسىم-جومارت توقايەۆ چەحيا رەسپۋبليكاسىنىڭ قازاقستانداعى ەلشىسى ەليشكا جيگوۆانى جانە جاپونيانىڭ ٴبىزدىڭ ەلىمىزدەگى ەلشىسى يتيرو كاۆاباتانى ديپلوماتيالىق قىزمەتتەرىنىڭ اياقتالۋىنا بايلانىستى قابىلدادى.

سەنات ٴتوراعاسى قازاقستان مەن سول مەملەكەتتەردىڭ اراسىنداعى ساياسي، ەكونوميكالىق جانە مادەني-گۋمانيتارلىق سالالارداعى جان-جاقتى ىنتىماقتاستىقتى نىعايتۋداعى ناتيجەلى ٴارى اۋقىمدى ەڭبەكتەرى ٴۇشىن ەلشىلەرگە العىس ٴبىلدىردى.

ق.توقايەۆ چەحياعا قاتىستى ٴبىزدىڭ مەملەكەتتەرىمىزدىڭ اراسىنداعى ەڭ جوعارى دەڭگەيدەگى قارىم-قاتىناستار، ونىڭ ىشىندە زاڭ شىعارۋ ورگاندارىنىڭ ٴۇنقاتىسۋى قارقىندى سيپاتقا يە بولعانىن اتاپ ٴوتتى. چەحيا پارلامەنتى قوس پالاتالارىنىڭ باسشىلارى استاناعا بىرنەشە رەت ساپارلاپ كەلگەن بولاتىن.

قازاقستان مەن جاپونيا اراسىنداعى ىنتىماقتاستىق تۋرالى ايتا كەلىپ، سەنات ٴتوراعاسى پرەزيدەنت ن.نازاربايەۆتىڭ 2016 جىلعى قاراشا ايىندا جاپونياعا جاساعان ساپارىنىڭ ەرەكشە ماڭىزىنا توقتالدى. ق.توقايەۆ جاپونيا پارلامەنتىمەن قاتىناستاردى ودان ٴارى نىعايتۋعا ىقىلاستى ەكەنىن ايتىپ، ساۋدا-ەكونوميكالىق جانە ينۆەستيسيالىق ىنتىماقتاستىقتى دامىتۋدىڭ زور كەلەشەگىن اتاپ ٴوتتى.

ق.توقايەۆ ەلشىلەرگە العىس حاتتارىن تابىستادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي