نىعماتۋلين بيۋرو وتىرىسىن وتكىزدى - پارلامەنت|16 قاراشا 2018، 18:26
كۋرسى ۆاليۋت وبنوۆليايۋتسيا
استانا:

نىعماتۋلين بيۋرو وتىرىسىن وتكىزدى

فوتو: Ж. Құспанов

استانا، baq.kz. بۇگىن پالاتا سپيكەرى نۇرلان ٴنىعماتۋليننىڭ توراعالىعىمەن ٴماجىلىستىڭ بيۋرو وتىرىسى ٴوتىپ، پالاتانىڭ جالپى وتىرىسىندا تالقىلاناتىن ماسەلەلەر ايقىندالدى. بۇل تۋرالى ٴماجىلىسىتىڭ ٴباسپاسوز قىزمەتى مالىمدەدى.

كۇن ٴتارتىبىنىڭ جوباسىنا دەپۋتاتتاردىڭ نازارىنا كەيبىر كونستيتۋسيالىق زاڭدارعا اكىمشىلىك-اۋماقتىق قۇرىلىس ماسەلەلەرى بويىنشا وزگەرىستەر ەنگىزۋ تۋرالى كونستيتۋسيالىق زاڭ جوباسىن ىلەسپە تۇزەتۋلەرمەن بىرگە ٴبىرىنشى وقىلىمدا قاراۋ ۇسىنىلدى.

اتالعان زاڭ جوباسى مەملەكەت باسشىسىنىڭ جارلىعىن ورىنداۋ ماقساتىندا ازىرلەندى. جارلىقتا شىمكەنت قالاسى رەسپۋبليكالىق ماڭىزى بار قالا ساناتىنا جاتقىزىلىپ، وڭتۇستىك قازاقستان وبلىسى تۇركىستان وبلىسى دەپ اتالىپ، اكىمشىلىك ورتالىعى شىمكەنت قالاسىنان تۇركىستان قالاسىنا كوشىرىلدى.

سونىمەن قاتار، بيۋرو وتىرىسىندا قازاقستان مەن رەسەي اراسىنداعى كاسپيي تەڭىزى سولتۇستىك بولىگىنىڭ ٴتۇبىن مەجەلەۋ تۋرالى كەلىسىمگە راتيفيكاسيالاۋ تۋرالى زاڭ جوباسى ۇسىنىلدى.

سونداي-اق، ەاەو-قا مۇشە مەملەكەتتەر ٴوزارا ساۋدانى جۇزەگە اسىرۋ كەزىندە وزوندى بۇزاتىن زاتتار تۋرالى كەلىسىمدى جانە ەاەو-قا مۇشە مەملەكەتتەر ٴوزارا ساۋدانى جۇزەگە اسىرۋ تۋرالى كەلىسىمگە قىرعىز رەسپۋبليكاسىنىڭ قوسىلۋى تۋرالى حاتتامانى راتيفيكاسيالاۋ تۋرالى زاڭ جوباسىن قارايدى.

بۇعان قوسا، ەسىرتكى، پسيحوتروپتىق زاتتار، سول تەكتەستەر مەن پرەكۋرسورلار اينالىمىن باقىلاۋ ماسەلەلەرى بويىنشا زاڭ جوباسىنا تۇزەتۋلەر ەكىنشى وقىلىمدا ۇسىنىلدى.

كۇن تارتىبىندە پالاتاعا بەيىندى كوميتەتتەرگە قورىتىندى ازىرلەۋ مەرزىمدەرىن بەلگىلەۋ بويىنشا زاڭ جوبالارى ۇسىنىلدى. ولاردىڭ قاتارىنا ەاەو پەن وعان مۇشە مەملەكەتتەر جانە يران يسلام رەسپۋبليكاسى اراسىنداعى ەركىن ساۋدا ايماعىن قۇرۋعا الىپ كەلەتىن ۋاقىتشا كەلىسىمدى راتيفيكاسيالاۋ تۋرالى، سونداي-اق، ەاەو پەن وعان مۇشە مەملەكەتتەر جانە ەكىنشى تاراپتان قىتاي اراسىنداعى ساۋدا-ەكونوميكالىق ىنتىماقتاستىق تۋرالى كەلىسىمدى راتيفيكاسيالاۋ تۋرالى زاڭ جوبالارى. سونىمەن بىرگە، قازاقستان مەن برازيليا اراسىنداعى ادامداردى ۇستاپ بەرۋ تۋرالى شارتتى راتيفيكاسيالاۋ تۋرالى زاڭ جوباسى بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي