BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تاريح جانە مادەنيەت ەسكەرتكىشتەرى قۇقىقتىق قايشىلىقتان زارداپ شەگىپ وتىر – مۇحامەدي ۇلى

تاريح جانە مادەنيەت ەسكەرتكىشتەرى تىزىمىنە ٴوز ۋاقىتىندا كىرمەي الدىن الا ەسەپكە الۋ تىزىمىندە تۇرعان وبەكتىلەردىڭ جاعدايى كۇن ساناپ ناشارلاپ وتىر. بۇل تۋرالى مادەنيەت جانە سپورت ٴمينيسترى ارىستانبەك مۇحامەدي ۇلى قر پارلامەنتى ماجىلىسىندە وتكەن تاريحي-مادەني مۇرا وبەكتىلەرىن قورعاۋ جانە پايدالانۋ تۋرالى زاڭ جوبالارى تانىستىرىلىمىندا مالىمدەدى، دەپ حابارلايدى baq.kz ٴتىلشىسى.

«تاريح جانە مادەنيەت ەسكەرتكىشتەرى تۇرلەرى مەن تۇسىنىگىن كەڭەيتۋ قاجەتتىلىگى تۋىنداپ وتىر. قاسيەتتى دەپ تانىلعان وبەكتىلەرگە رەسمي مارتەبە بەرۋ، سونداي-اق، بۇگىندە قالا قۇرىلىسى مەن ساۋلەت ەسكەرتكىشتەرى توبىنا جاتاتىن مونۋمەنتالدى ونەر عيماراتتارىن ەسكەرتكىشتەردىڭ جەكە تۇرىنە ٴبولۋ، ٴارى قاراي، تاريحي-مادەني مۇرا وبەكتىلەرىن انىقتاۋ مەن ەسەپكە الۋ ماسەلەلەرىن جۇيەلەۋ ۇسىنىلىپ وتىر»، - دەپ اتاپ ٴوتتى مينيستر.

مۇحامەدي ۇلى ارحەولوگيا ەسكەرتكىشتەرى انىقتالعان كەزدەن اۆتوماتتى تۇردە تاريح جانە مادەنيەت ەسكەركىشتەرى رەتىندە مويىندالعانىمەن، الايدا ەسكەرتكىشكە بەرىلگەن مارتەبە رەسمي بەكىتىلمەيتىنىن ايتتى.

«قازىرگى قۇقىقتىق قايشىلىق وبەكتىنى ۋاقىتىندا تاريح جانە مادەنيەت ەسكەرتكىشتەرى تىزىمىنە ەنگىزۋگە مۇمكىندىك بەرمەي وتىر. ونى قورعاۋدى قامتاماسىز ەتۋگە ٴوز ۋاقىتىندا قارجى بولىنسە دە ۋاكىلەتتى ورگان تاراپىنان ونىڭ جاعدايىنا قاجەتتى مونيتورينگ جۇرگىزىلمەيدى. مۇنىڭ سوڭى ارحەولوگيالىق وبەكتى جاعدايىنىڭ ناشارلاۋىنا اكەلىپ وتىر. مىسالى، جۋانتوبە، قاراسپان توبە، ٴبورىجارى، كۇلتوبە سەكىلدى ارحەولوگيالىق وبەكتىلەر ۇزاق ۋاقىت بويى الدىن الا ەسەپكە الۋ تىزىمىندە تۇر. بۇل وبەكتىلەرگە 10 جىلدان بەرى ەشقانداي شارا قابىلدانبادى»، - دەدى ول.

ٴمينيستردىڭ ايتۋىنشا، زاڭ جوباسىندا وسى ماسەلەنى ناقتى رەتتەۋ ٴۇشىن ولاردى الدىن الا ەسەپكە الۋ تىزىمىنە قوسۋ نەمەسە الىپ تاستاۋ، وبەكتىنىڭ مارتەبەسىن انىقتاۋ سەكىلدى شارالار تۋرالى ناقتى قادامدار انىقتالدى.

«تاريحي-مادەنيە مۇرا رەتىندە تانىلعان وبەكت 3 جىلعا دەيىن، توتەنشە جاعدايدا 5 جىلعا دەيىن الدىن الا ەسەپكە الۋ تىزىمىندە بەلگىلەنەدى. ٴارى قاراي بەكىتىلگەن ٴتارتىپ بويىنشا تاريح جانە مادەنيەت ەسكەرتكىشتەرى تىزىمىنە ەنەدى، نە بولماسا تاريحي-مادەني ساراپتاما جۇرگىزۋ نەگىزدەمەسىنەن الىنىپ تاستالادى. بۇدان بولەك، ۋاكىلەتتى جانە جەرگىلىكتى اتقارۋشى ورگانداردىڭ قۇزىرەتىنە تاريحي-مادەني مۇرا وبەكتىلەرىنىڭ جاعدايىنا مونيتورينگ جۇرگىزۋ، وبەكتىلەردىڭ ساپاسى ناشارلاعان جاعدايدا ونى ساقتاۋدى قامتاماسىز ەتۋ شارالارىن قابىلداۋ فۋنكسياسىن ەنگىزۋ ۇسىنىلىپ وتىر»، - دەپ اتاپ ٴوتتى مۇحامەدي ۇلى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي