تابيعي مونوپوليالار سالاسىنا باقىلاۋ كۇشەيتىلمەك - پارلامەنت|28 قاراشا 2018، 15:40
كۋرسى ۆاليۋت وبنوۆليايۋتسيا
استانا:

تابيعي مونوپوليالار سالاسىنا باقىلاۋ كۇشەيتىلمەك

فوتو: ашық дереккөзден

استانا، baq.kz ٴتىلشىسى. ٴماجىلىستىڭ جالپى وتىرىسىندا «تابيعي مونوپوليالار تۋرالى» زاڭ جوباسى ماقۇلداندى.

ۇلتتىق ەكونوميكا ٴمينيسترى تيمۋر سۇلەيمەنوۆ اتالعان زاڭ جوباسى تابيعي مونوپوليالار سالاسىنداعى زاڭنامانى جۇيەلەندىرۋگە، كورسەتىلەتىن قىزمەتتەرىنىڭ ساپاسى ارتتىرۋعا، تاريفتىك سمەتالار مەن ينۆەستيسيالىق باعدارلامالاردىڭ ورىندالۋىن باقىلاۋدى كۇشەيتۋگە باعىتتالعانىن اتاپ ٴوتتى.

وسى ورايدا مينيستر اتالعان سالادا باقىلاۋدى كۇشەيتۋ ٴۇشىن 2 جاڭا ينستيتۋتتى ەنگىزۋدى ۇسىندى.

«ٴبىرىنشى ينستيتۋت – تاريفتىك ساياسات جونىندەگى كەڭەس. ول مونوپوليستتەردىڭ ينۆەستيسيالىق باعدارلامالار جوبالارىن قاراستىرىپ، تابيعي مونوپوليالار سۋبەكتىلەرىنىڭ تاريفتىك سمەتالاردى، ينۆەستيسيالىق باعدارلامالاردى ورىنداۋ تۋرالى ەسەپتەرىن تىڭدايدى. ونىڭ قۇرامىنا دەپۋتاتتار، «اتامەكەن» پالاتاسىنىڭ، قوعامدىق بىرلەستىكتەردىڭ وكىلدەرى، تاۋەلسىز ساراپشىلار كىرەدى. ەكىنشى ينستيتۋت – تابيعي مونوپوليالار سۋبەكتىلەرىنىڭ قىزمەتتەرىن تۇتىنۋشىلاردىڭ قوعامدىق بىرلەستىكتەرى. بۇل مونوپوليستتەردىڭ قىزمەتتەرىن تۇتىنۋشىلاردىڭ ٴوز قۇقىقتارى مەن زاڭدى مۇددەلەرىن قورعاۋ ماقساتىندا قۇرىلاتىن كوممەرسيالىق ەمەس ۇيىم»، - دەدى ول.

سونىمەن قاتار تيمۋر سۇلەيمەنوۆ 2019 جىلدىڭ 1 قاڭتارىنان باستاپ مونوپوليستتەردىڭ تاريفتەردى بەكىتۋگە ارنالعان وتىنىمدەرىن قاراۋ جانە بارلىق تۇتىنۋشىلار ٴۇشىن ماتەريالدار مەن تاريفتەردىڭ ەسەپتەرىنە تولىق قولجەتىمدىلىكتى قامتاماسىز ەتۋدىڭ ەلەكتروندىق فورماتىنا اۋىسۋ ماڭىزدى ەكەنىن جەتكىزدى.

«مينيسترلىكتە ە-مونوپوليست ٴتيىستى اقپاراتتىق جۇيەسى اعىمداعى جىلدىڭ 1 شىلدەسىنەن باستاپ ەنگىزىلدى. وسى بازا ارقىلى تۇتىنۋشىلاردىڭ ەنگىزگەن ۇسىنىستارى كەيىننەن ولاردى جاريا تىڭداۋلاردا تالقىلاۋمەن جۇيەلەندىرىلەدى»، - دەدى ۆەدومستۆو باسشىسى.

سونداي-اق، ۇلتتىق ەكونوميكا ٴمينيسترى مەملەكەت باسشىسى 2018 جىلدىڭ 7 قاراشاسىنداعى قاۋىپسىزدىك كەڭەسىندە «تابيعي مونوپوليالار تۋرالى» زاڭ جوباسىن مونوپوليستتەردىڭ تاريف بەلگىلەۋ جانە ينۆەستيسيالىق مىندەتتەمەلەردى ورىنداۋ اشىقتىعىن كۇشەيتۋدى تاپسىرعانىن اتاپ ٴوتىپ، ونى جۇزەگە اسىرۋ ٴۇشىن اتالعان زاڭ جوباسىنا كەلەسى نورمالاردى ەنگىزۋدى ۇسىندى.

«تابيعي مونوپوليالار سۋبەكتiلەرiنiڭ ينۆەستيسيالىق باعدارلامالاردى ورىنداۋىنا، قىزمەتتىڭ تيىمدىلىك كورسەتكىشتەرىنە، رەتتەلىپ كورسەتىلەتىن قىزمەتتەردىڭ ساپا جانە سەنىمدىلىك كورسەتكىشتەرىنە قول جەتكىزۋگە تەحنيكالىق ساراپتاما جۇرگىزۋ; تابيعي مونوپوليالار سۋبەكتiلەرiنiڭ ينۆەستيسيالىق باعدارلامالاردى ورىنداۋدىڭ قوعامدىق مونيتورينگ ينستيتۋتىن ەنگىزۋ; قوعامدىق بىرلەستىكتەردىڭ تابيعي مونوپوليالار سۋبەكتiلەرiنiڭ ينۆەستيسيالىق باعدارلامالار جوبالارىن قاراۋعا قاتىسۋ»، - دەدى سۇلەيمەنوۆ.

وسى رەتتە مينيستر زاڭ جوباسىنا تاريفتىك ساياسات جونىندەگى كەڭەستىڭ قوعامدىق بىرلەستىكتەردى قارجىلاندىرۋعا ارنالعان مەملەكەتتىك الەۋمەتتىك تاپسىرىستى ورنالاستىرۋ شارتتارىن كەلىسۋ; تابيعي مونوپوليالار سۋبەكتiلەرiنiڭ تۇتىنۋشىلاردىڭ الدىندا تاريفتىك سمەتالاردى جانە ينۆەستيسيالىق باعدارلامالاردىڭ ٴىس-شارالارىن ورىنداۋى تۋرالى جىل سايىنعى جاريا ەسەپتەردى وتكىزۋدى جارتى جىلدىق سايىن ۇيىمداستىرۋدى; سۋبەكتىلەردىڭ ٴوز ينتەرنەت-رەسۋرسىندا ينۆەستيسيالىق باعدارلامالاردىڭ ورىندالۋ بارىسى تۋرالى اقپاراتتى ورنالاستىرۋ; اكىمدىكتەردىڭ ەسەپكە الۋ قۇرالدارى جوق تۇتىنۋشىلار ٴۇشىن كوممۋنالدىق قىزمەتتەردى تۇتىنۋ نورمالارىن بەكىتۋى كەزىندە جاريا تىڭداۋلار وتكىزۋ نورماسىن ەنگىزۋدى ۇسىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي